发信人: qqsarah(劲爆鸡米花)
整理人: cutecat(2002-04-19 04:30:40), 站内信件
|
长头发留左成两年，已经长到差不多到腰位。卒之Ding起心肝去修下它。听个朋友话信和广场附近新开左间“非凡”，同她剪头发个个师傅又好心机又好手势，搞到她平凡既LOOK都变到“非凡”甘靓。于是我就慕名稳番个个叫阿KEN既师傅同我剪。离远就见到个间野挂住鬼甘大幅横额：“洗吹15元，洗剪吹25元”，我入到去，个收银即刻就问我有无稳开边个师傅，仲比D师傅介绍我体，图文并茂。我话稳阿KEN，她话：“哦，呢个系高级师傅黎架，要收50元。”我心林：既然慕名而来，贵D就贵D啦(查实我个F都无收甘贵，因为她无特登稳阿Ken)!经过大约个几钟时间，个个阿Ken将我本来把长发剪短左好多，不过D层次就修得几好，我都算系满意啦。点知我冲完头之后，他忽然有个好似阔太既熟客稳他吹头，他即时就鬼甘热情招呼她，并且求其稳个学徒同我吹头。我当时都几兴，不过见个徒弟仔鬼甘认真就费事出声。后来KEN搞定但我个头都仲未吹好，他就走来闹个工仔，仲揸住把梳指下指下，鬼死甘恶。到最后埋单，个收银竟然递左张80元既单比我。我即时发作：“有无搞错？明明讲好先整架嘛，座地起价？”个个阿KEN好愕然甘望住我，跟住讲：“从今日起无呢个价啦！她吾知姐！”我话：“甘你讲乜都得架啦，我理得你地甘多啊！”他面黑黑甘话：“甘算啦，改番张单罗！”本来我比左钱就算，点知有个吾知系米老世甘既人同讲：“你稳既系我地依度最TOP既师傅啊，知道吗？他收开100元架，熟客先至打八折。物有所值既，系米？”我冷笑一声：“甘又系，连头都吾使自己吹就可以收100元，梗系好啦！”跟住推门就走。临走见到个几个人无晒表情。
我甘详细描述呢件事，其实只系想证明一样野：“今时今日甘既服务态度点得架？”就甘就损失一个客，仲连口碑同声誉都无埋，真系要反省下啦！ |
|