发信人: jasonchoi()
整理人: lzyboy(2000-11-27 01:49:36), 站内信件
|
今日党报又重提年票制 了，而且力数佢嘅好处，讲到天上有地下无，对市民
百利而无一害咁样，如果实行迟啲就会令市民受损失。但系睇咗两次，都揾唔到
一句年票制嘅坏处，你哋党都可算系“唯物辨证主义”咯。
好，畀你哋党教育咁多年 ，我今次就做反面论证，提出嚟嘅坏处啦！
大家都知，宜家摩托车过桥就要交钱，一系就买月票，一系就按次票收费，
但系你哋有冇谂过，中央落过文件，国家出钱起嘅路桥系唔使收钱嘅呢，亦即系
话，海珠，人民，海印，广州，珠江呢几座桥都唔应该收钱，咁如果你哋系行呢
几条桥嘅话呢，如果一年收你一百八十蚊，或者一个月收你四十蚊，又或者一次
收你两蚊，都系等于强盗，抢嘅！按理同样亦都适合其它车辆情况。
公共汽车要收六百蚊？我相信占百份之六十嘅线路系唔会过桥嘅，咁样何来
要每部车都要交六百蚊一年呢？比如三十路车，从火车站去锦城花园，永远都同
内环，桥梁无关，何解佢要交六百蚊畀人呢？
好了，到呢度，我相信大家都认为市政府喺度抢钱哩。。。但背后嘅原因系点呢
？我唔系六木市长肚里嘅蛔虫，但系我试吓做一次咁多啦！
国家落柯打话唔准喺用国家嘅钱起嘅路桥度收钱啊。但系呢头又呃咗新世界
条港灿起咗江湾，解放大桥啵。佢哋见亲我都烦我，话投资收唔番本，成日蚀钱
。仲威胁要减少投资添。上面压落嚟，下面顶上嚟，我好难做啵 ！
拿！咁啦，一于就一刀切，有理无理，你喺本市车就一定按年嘅收钱，过本
市嘅车就按次嚟收钱，话之你行唔行啦！咁样一嚟可以话畀中央知，我冇喺啲国
家出钱起嘅路桥上收钱啦，第二，对啲投资者话，我宜家将你哋要收嘅钱分摊落
去啦，你啲投资可以确保，但系你哋唔好出声！第三，原来收开嗰啲桥费可以一
样照袋番落个袋度贪污，但系就将原来费用分摊咗原来根本唔会用呢啲路桥嘅车
上，掩人耳目！
直头当你啲人系傻嘅！仲赞埋我，话我为民办实事添！一枪可以打死几只鸟
啊！强啦呱！
咁样导致咗。。。公共汽车加价，汽车公司都几次想加价了，今次就可以大条
道理以，油价贵，桥费加为理大升特升！！做成千百万普罗大众嘅负担，原来两
条市区嘅桥梁江湾，解放南面出口都唔系咁畅顺了，乜原因？未因为佢哋规划失
当啰。由于呢次一刀切做成南面嘅堑口，同福路大塞特塞。。到时你都未话唔惊
，跟住仲有就系原来几条桥嘅收费员又要下岗返屋企买菜凑仔了。。。做成失业
人数增加，跟住仲有仲有。。。
正所谓，唔理老嫩，总要自愿。其实路桥收费一定要贯切到一样就系用者自付嘅
原则，今次嘅政策完全系违背咗呢个道理，三番四次所开嘅所谓听证会根本就冇
民意嘅表达，完全系做一台政治SHOW！
我希望 就系旧嘅桥梁完全唔收费，符合番中央精神，至于市政府自已出钱起嘅路
桥，唔该你哋政府自已谂番办法搞掂佢！你哋未有好多税收嘅。。我要相信政府
呢啲钱出嚟唔难，不过唔知用哂去边啫！
--
凡所有相皆是虛妄，如露亦如電，應作如是觀。
意思即謂，世間上的一切事物、景象均是假象，就如晨曦乍現的露珠及劃破天空的閃電，
都是過眼雲煙，毋須過於執著。
※ 来源:．月光软件站 http://www.moon-soft.com．[FROM: 202.104.45.104]
|
|