发信人: yxyes(杨逍)
整理人: ashleyliu(2002-04-24 14:54:01), 站内信件
|
前晚坐公交车外出，当时车上好空，我就坐响其中一个双座的左边位置，右边位置靠窗，而且放脚处是车碌位置，因为会垫高对脚，所以一般人都唔会坐落去。车到下一站，有一外貌好似四乡左近之人上车，偏偏就坐响我旁边个位。渠坐低之后，块面朝窗外，脚垫高，侧身弯腰，用个pet靠住我。当时我闻到酒味，以为渠饮大左，所以就唔理渠。点知，车过几站，我忽然觉得条裤右过个后袋好似成日有野顶住，于是就下意识瞄左一眼（其实我乜都睇唔到）。车一到站，我身边个四乡佬即刻就落车，落左车之后仲要回头望我一眼。当时我只系觉得兜友有古怪，不过我全身行当都响度，所以就无理度渠。
点知，当我做完野番到屋企开门个阵，我发觉我放响后袋个钥匙包裂开左个口，即时醒水啦，一摸个后袋，哗，唔单止个后袋，连条裤都已经穿左个隆。个兜友当时系用刀割我个裤袋！最令我心寒既系坐响我后边位既人竟然粒声都唔出！
结果今次出街，我损失左一条西裤同埋一个钥匙包。各位，记住个兜友个样，四乡佬，大约三十岁，身高约一米七五，偏瘦。当时系晚上约九点半，渠系响昌岗路信和广场上车。仲有，宜家响广州搭车个阵，大家真系要小心D扒手。而且我觉得身为广州人，就算系唔上去捉扒手，起码都可以暗中提醒一下，等人地可以警觉。当然，最好梗系一涌而上，打个只扑街阖家铲！！
附：本人所知既扒手活动比较频繁既车站
1、中大东门
2、鹭岗
3、客村立交
响以上三站等车及上车时，记住小心你既手机、荷包、手袋等等。
----
会当凌绝顶，一览众山小。
|
|