|
发信人: artion2(杀人樱) 整理人: supraboyqd(2002-06-30 08:27:16), 站内信件 |
| 遊戲分析唔嘴型
外國歸外國，咱們中國人可不能人玩乜我玩乜！今次水貨最大問題係美版 XBOX未必可以對應於 2002年 2月 22日推出之日版 XBOX遊戲。大家熟悉的《 SEGA GT2》、《莎木 II》、甚至《幻魔 鬼武者》都未玩到。所以，如果你唔係 FPS（第 1身射擊）遊戲同埋運動 Game棒場客，都唔好呢個時候同鬼仔爭貴貨喇。 鬼仔之選《 HALO》 微軟招兵買馬製作的第 1身視點射擊遊戲，本來係 PC遊戲，因為未推出先轟動，所以索性變成 XBOX專用 Game省招牌。推出後亦不負所望，成為 21款 XBOX跟機 Game中的 No.1，一度賣斷市。遊戲最大特色係唔止齋行，仲可以乘坐各式飛機大炮進行戰鬥，又可以老笠敵人的異星武器作戰，好玩非常。其精細的畫面，被網站一致評為「最佳家用 FPS」。 港人之選 《 Dead or Alive 3》 改用 XBOX開發後靚好多，如果《 Halo》是「以家用機做出 PC機水準」，《 DOA3》就是 XBOX最強畫質的示範作。可惜內容冇變化，新意欠奉，又唔對應網上對戰，耐玩度高極有限，只可在短時間內以畫面吸引玩家入貨。女主角波濤洶湧？多邊形咋！咪以為呢招可以用幾年先得！美國仔本身已經唔多鍾意打格鬥，最好賣隻叫《 Mortal Combat》，賣係血腥， Sell華麗的《 DOA3》，美國好賣有限，反而在港日會有一番作為。 《 Project Gotham Racing》力戰《 GT3》 ? 畫面唔係靚、玩法唔係新、車輛唔夠真，難怪被美國網站評為「 Just Pass The Test」的粗製濫造之作，想同《 GT3》比高下，出《 Project Gotham Racing 3》先啦。 《 Odd World: Munch's Oddysee》名作復活 ? 又是一款 2D變 3D再變悶蛋的失敗作。播片出色， 3D畫面精美，《 Odd World》原有種考心思、考細心的玩法，好可惜，玩幾個鐘都見唔到。 XBOX分屍！逐件數你有 SO！ 大拿拿成＄ 6,000幾銀，我砌部 PC電腦好過啦！呢個係市場炒價而已， XBOX原價之不過 299美金咋！咁究竟佢內在係唔係真係咁勁？想知就唯有拆開佢俾大家研究下。既然都拆開埋，就再同大家格下價，睇下去腦場跟足 XBOX規格，砌一部電腦又要幾錢，引證下 299美金 XBOX抵唔抵喇。 ‧核心晶片值 $900 XBOX既然係微軟產物，當然會用返佢最佳拍檔 Intel處理器啦。 XBOX採用 CPU係 Intel PIII 733MHz，加上等同 GeForce3的 GPU（下文述），每秒可以處理多邊形數約為 1億 2500萬，數字上係 PS2 1倍有多，但包埋各式電腦效果， XBOX的能力其實只係強 PS2少少。 ‧靈魂之窗值 2,500 顯示卡方面，微軟同顯示卡晶片大廠 nVidia合作，開發 XBOX專用顯示晶片 x-chip，根據 nVidia所講，其能力比 nVidia現時的主打晶片 GeForce 3更勝一籌。 NVIDIA揚言 x-chip顯示晶片每秒可以處理 1,000,000,000,000次計算，就算連動物毛髮都仿製到，毛都出齊！ ‧記憶中樞值 $300 除中央處理器之外，當然仲有內置記憶體方便遊戲更快速運作。 XBOX就內置 64MB DDR-RAM，記憶量除比 PS2及 Game Cube都多外， DDR-RAM本身的速度亦比一般 SD-RAM更快。 ‧遊戲儲存值 $500 XBOX內置 10GB硬碟，是遊戲主機的大突破，有 4大用途，改善遊戲環境。 1. 用硬碟 Save Data，一來快二來唔怕 Save卡爆滿。 2. 可以將最重要的遊戲資料載入硬碟，加快 Load Game速度。 3. 可以真正在網上下載重要的 Update資料或者新加版圖。 4. 加快上網睇 Internet的速度。 ‧影音娛樂值 $450 XBOX配備 2.5倍速飛利浦製 DVD-ROM，如果額外買個遙控器，就可以即時睇到 DVD光碟。又因為採用顯示晶片質素，所以睇碟絕不比 DVD播放機差。 ‧網絡連接值 $100 Online遊戲一定係未來遊戲趨勢，所以 XBOX都已經內置網絡卡，可直按上網。如果再買多個專用 ADSL Modem，仲可以用 1.5Mbps的極速上網，享受寬頻樂趣，更可以靠 XBOX睇網頁、收發 e-mail。 ‧開聲說話值 $500 顯示做到咁靚，音效如果冇一定水準當然成為笑話， XBOX採用 3D音效處理， Audio Channel可以達到 256之數，而剛推出 Game Cube都只係得 64。 $900 + $2,500 + $300 + $500 + $450 + $100 + $500 總計 $5,250 貴過 $3,000制唔過！ 唔係幫 Bill叔手，但《電 Click王》可以好大膽咁同你講，用 $2,400港銀，係絕對砌唔到 XBOX呢套至強組合！ XBOX只售美金 $299，約港幣 $2,300，但係內裹價值超過 $5,000，難怪話賣 1部蝕 1部。不過，話晒 XBOX唔係電腦，有好多電腦功能做唔到，所以筆者認為合理價錢係 $3,000-$3,500，超過呢個數就唔好買，無謂益炒家。 ---- Get Ready To Die The New World Will Be Set; Get Ready To born The Old World Must Be Broken! Now The Time Is Coming,I Will Manage It. 
What Are You Waitting For?Click Me And Go With My Mind. |
|
[关闭][返回] |