发信人: winglam(OT·Man)
整理人: wwwcwd(2001-08-10 00:20:36), 站内信件
|
年初,OT.Man帮波士(Boss)搞掂一单Project,波士开心,请食饭.
四人驱车去荃湾一间幸福楼海鲜酒家,坐低,饮茶,部长埋来.波
士点菜:"澳洲龙虾一条,大闸蟹两只,老鼠斑一条,乜乜煲一个,
腊味炒西芹一个,蒜蓉小白菜一个,例汤一个,係咁多,快手."
闲谈之余,餸菜上齐,嗯......一个字: 正!! 大家飞禽大咬,狂砌!
砌佐一轮,波士开声讲嘢:"你哋知唔知澳洲龙虾有乜特点?"三个
为食猫成嘴油, 边砌边问:"有咩唔同吖?" 波士:"你哋有冇留意
澳洲龙虾有冇对钳?" OT.Man话:"係喎~~!边个食佐落肚? :-)"
波士:"冇人食落肚,係天生冇钳,事关澳洲水域浮游水生物多,啲
龙虾都唔需要搏斗就可以食得好饱,因此对钳就咁退化佐.南中国
海啲龙虾都係咁,又袋钱落你哋袋喇."
众人鸡点头:"有道理,有道理...",OT.Man:"係喎~~~,波士对饮食
啲嘢真係好有研究喎" 波士好开心:"梗係喇,唔係先点出来做波士
吖",OT.Man话锋一转:"波士,你知喇,我哋个个都咁好学哦,咁我哋
几时研究下鲍参翅肚吖~~~"
哈哈哈哈~~~众人会心大笑~~~
----
点解IT人成日要OT,OT人又多数係IT人,
唉~~~,命苦又唔怪得政府...
有DO嘢喎~~~ 唔系有D嘢喎~~~ |
|