|
发信人: jurn(豉油樽) 整理人: sinyi(2003-07-16 00:24:05), 站内信件 |
| 就如死猫所讲，我地“顶~~”完之后，就去前面个放生池到睇鱼。依个时候，唔知边个好大声0甘话：“只石龟喷尿啊，仲喷到好高添！”搞到我地变左全场焦点，于是9男女即刻作鸟四散，我同CY就落去踢放生池个铁门，ET同太后就低头稳细龟……当时真系……羞……
我地一边争论“唐僧打‘麻雀’定‘麻将’”0既IQ题一边离开左宝林寺，往清晖园进发。落左车，水王就一个箭步跑过去稳水补充能量。于是其他8人都只好先向小卖部迈进（我地系9男女啊嘛，梗系要步调一致啦，呵呵）然后水王又明屈ET请饮野喔，ET为表豪气，没计啦，死死地气请晒我地所有人补水。买完水，只死猫系离个售票处仲好远0既时候，就大叫好贵！原来清晖园已经升价！然后系曾经入过去0既我，死猫同JIMMY的游说下，其他人0既“第一次”就系我地对住个门口幅“清晖园全图”度讲解它0既特色同景点之下放弃左自己喇，哈哈~~ 系游览完“清晖园——士多”之后，我地就过去旁边0既步行街闲逛。步行街个街口立住一个几大下0既青铜雕塑，除左可以阻挡D大车进入0既功能之外，我真系唔觉它有咩特别同艺术价值咯。漫步系步行街度，除左感觉到悠闲（人少啊嘛）之外，真系没咩FEEL，因为装修大致一样，D名店广州又有，使乜来依度买？所以大家都净系挂住稳顺德著名美食——双皮奶嘅专卖店。一见到“仁信”2个字，我地就迫不及待0甘冲左入去霸位（大家系学校饭堂惯左，没计，哈哈）。因为没晒冻双皮奶啊，所以大家都去吃其他野，只有水王坚持习惯——热都要！连碗边D残留物都比我地舔~~~干净晒之后，D人又话去吃饭了喔，真系骑哩…… 打左每部30文TAXI（都唔明点解要去0甘远吃0既，车钱都抵晒 ：0 ），来到桂洲食街。仲要好拣唔拣，拣间“大民工”饭店喔，即刻没晒胃口，加埋手瘾起（原来个个都系懒赌2），所以咪叫经理开台比我地打麻将咯。点知就没晒。惟有打PAIR顶住先咯。打PAIR没惩罚好没瘾咖啵，所以我好顺手0甘将我体内，啊，应该系身后0既一大支豉油贡献出来。话晒D豉油都系系“我”度拿出来0既，循例我都要试试毒0既，所以我咪特登输左一次0甘多咯，至于其他了喔，笨狗同小鱼儿就争住饮晒0甘制，搞到后来我仲要出去叫侍应加添，真系没佢地修咯~~~ D豉油饮晒之后，终于可以上菜啦。其中，D水蛇粥真系唔错，好甜，好吃。至于碟皖鱼生，吃落就几好口感0既，但系返来之后听我阿妈话，“S啦你地，都唔知D鱼有没‘华脂睾肝吸虫’嘎，你小学个体育老师就系0甘样领野嘎啦！手尾好长添嘎”惨~~~ 真系晴天霹雳，你地有份吃果D人，依家个肚有没隐隐作痛哩，呵呵~~~ 下一PART等阵先讲…… ---- 
出其不意…… |
|
[关闭][返回] |