发信人: jason_choi(成成（笨小孩A）@等待...)
整理人: kendya(2001-05-20 01:45:21), 站内信件
|
下昼去咗文德路度买相架。叫咗佢整五个可以放A4嘅架，佢叫我过半个钟头过嚟攞。我交低钱之后就返旧公司揾 同事吹水，过咗一个钟头返嚟之后，佢先啱啱整好啲相架，我一睇！大惊，叫佢整A4嘅相架，佢竟然整咗A3嘅！我同老细讲明情况，佢仲话，乜你唔系叫我整A3咩。。。我顶！佢话好啦，你等半个钟啦，我即时同你搞。。。
唔想再返去揾同事了，坐喺佢铺头等，发现原来呢个真系黑店。
我坐咗三分钟左右，两个亚姨级人物攞住一幅画嚟，话琴日买嘅，返到屋企后发现内里张画污糟咗，要攞番换，店主话系小问题，唔觉眼嘅，唔肯换。。。最后一番扰攘后，终于换咗一幅。
过咗十分钟后。一个中年妇女攞住个想架嚟，话要换相架。原来系琴日买时，同店员讲好系24吋 ，但系佢就畀咗22吋，系店检查时未发现发错货。返到屋企镶唔起张相，要换。。店员坚称冇发错，只系顾客讲错咗，唔肯换，除非补钱。。。个顾客话，以前嚟买相样规格相架都系呢个价钱。。。一番争拗后，终于又以店主出面解决免费换相架为争拗之结束。
过咗半个钟头了，我睇都仲未整好个相架，就问店主，乜回事啊？佢话去睇睇，跟住就发出店主闹店员嘅喝骂声，原来佢又将个尺寸搞错，开错咗料。。。当然遭至店主一番臭骂啦！
唉，搞到我足足一个钟头零三个字之后，先可以攞住向个相架走人。
三个钟头呢间店就搞出咁多大头佛。。呢间店店主一定系黑仔，咁间店唔系黑店系乜啊？
----
话我花心？我系花生啊。花花世界中一个纯情小生。
|
|
>>广州惊人内幕>>黑店。。。