发信人: jason_choi(仁面秀心--大头成)
整理人: lzyboy(2001-06-06 13:15:35), 站内信件
|
党报星期五就会出十几张纸，张数都多过《文汇》。除咗必不可少嘅房地产广告外。仲有一啲睇到令人可笑，但系笑中有泪嘅报道。
广东新闻中报道惠州有一个老师，睇到一份报纸，上有香港 六合彩嘅预测结果，跟住嚟买，买咗几期都少有斩获。跟住突发奇想，喺当地报纸度登，可以预测六合彩结果。每期必有唔少于两个号码中。可以提供四十期嘅预测结果，收六百蚊，但系登出后无人问津 ，于是就免费登出一期预测结果。但系唔准。跟住冇几耐就畀公安拉咗。
报纸度冇讲因乜事畀人拉，文中就有提到，当地赌外围六合彩活动非常活跃。睇完之后我一头雾水，都唔知佢因乜事会畀人拉。
如果话佢教唆人去赌钱，咁又冇乜实质证据去证实佢。因为佢只系提供一个预测结果，但系中与唔中都与其无由，如果咁都系教唆嘅话，我睇中国好多股市二流分析员都要唱铁窗红泪咯。如果话佢非法谋利，咁佢都有付出劳动去抄六合彩预测结果，虽然系有谋利，但事实并未发生，因为冇人落搭 ，就算有人落搭，都系佢冇攞工商营业执照啫。最多未工商啲大佬嚟罚钱，何至于出到公安啊？
唉！都系怪我唔系法律界人士。我系法盲！根本唔知佢犯咗乜事，搞到要畀公安拉。但系如果学佢咁做法都会畀公安拉，我睇喺中国生活都几可怕，话唔埋我估劲歌第一季季选十二首歌畀我估中两三首，跟住第日猪睡生第日就请我去佢度坐两日啊。。。。
----
话我花心？我系花生啊。花花世界中一个纯情小生。
|
|