发信人: piggy_zheng(痾花灑)
整理人: swearl(2001-11-15 22:24:28), 站内信件
|
天河機室 *****
優點：地方算有返咁上下面積，有得走嚟走去；光綫足到唔足，服服務算一流，
人手相對充足，衛生唔錯，經常有人打掃；拳皇多到不得了，手指指更係全廣州
數第一，係好勇鬥狠嘅男仕、手痕痕嘅女仕嘅首选地方；可以食煙，瞓覺都得（
不過要坐住瞓，冇人打機嗰陣可以扒響機面瞓，有人玩就要行開，講求自覺，自
由度高；地處旺地，隔離有M記同華夏康隆，食嘢如厠購物一氣呵（痾）成；多女
人（有靚女）；有壞制即整，食銀包賠；七毫子一隻銀，全部一銀一局，DDR一銀
雙打，DM一銀四首，BM一銀四首！！！
缺點：人太多，星期一至五都多到坐爆，週末更加係企爆，想坐低打機幾難，幾
乎要排隊；煙多，不輪男女老幼（幼至十歲之下）都食煙，啲待應一日掃地掃機
面啲煙灰煙頭掃到手都軟；嘈，行埋打鼓機嗰度附近更加係嘈到正常講嘢聽唔到
！！！
東昇 ***
優點：游戲款式算新，壞制即整，衛生算好，人相對（天河機室）要少好多，價
錢同上，全部一銀一局，自由度一般，可以食煙，唔可以瞓覺，可以講粗口，唔
可以打交……
缺點：走廊式格局，機臺分两排靠墙放，窄，人相對（内部面積）多，一樣係成
天煙，冇靚女，少女人，冇任何Bemani機，機臺少，大小二便解决難……
新東昇（舊） ***
優點：全部同上，多女人，少靚女，多手指指！！！
缺點：占地面積極細，人相對（内部面積）極多，任何時候都企爆，烏煙障氣，
衛生中下，自由度相對低（因為連企都冇定企，何來自由）！！！
新東昇（新） *****
優點：面積大，大過三百平方，普遍應有嘅機都有，普遍應有嘅女人都有，但係
普遍應有嘅靚女唔多覺有（個人意見，好多人同我意見不一，在於口味唔同……
），可以食煙，粗口都得，打交唔知得唔得，有BM5，有DM，手指指唔算多，但係
勝在够新（二代），衛生相對（内部面積）優，經常有人打掃，夜晚旺，價錢同
上！！
缺點：日頭人相對（内部面積）太少，旺塲唔玩坐響度會捭待應眼望望，時而叫
你起身，自由度一般，待應太少，保安零個，所以可以打交都唔出奇，煙澎澎！
！
彩虹 ****
優點：有BM5，有DDR（雜版，我講唔出名），有手指指二代，有點歌機，響天河
隔離，衣食住行厠俱全，空氣唔錯，一蚊隻銀，部份機一銀两局！！
缺點：少女人，冇靚女（基本上完全冇），衛生差，啲待應得個企，一碌木，壞
制，幾乎部部都有問題，態度唔太好，年龄层高……
星光 ***
優點：有DM（原裝），有BM，有GF2（大優點），有RF（次優點），有DDR，似乎
應有嘅機都有，而且原裝機多，特别在音響方面，禁煙區，有厠所！！！
缺點：面積少，光綫唔太够（夜晚唔知），禁煙區，唔多覺有女人，壞制多（我
玩就幾乎都有壞），貴，DM三隻一鍋，BM两隻一鍋（得三局，捭你玩够都係得五
十幾萬），GF2两隻一鍋（唔知算唔算好），RF三隻一鍋，DDR两隻一鍋，KOF200
0三隻一鍋……，人手極少，一個待應一個賣銀，有起事求救無助，地頭冷淸（我
試過搵唔到垃圾桶……），週一至四八毫子一幣，五六日一蚊！！！
天夢宫 *****
優點：好多機普通機室都冇，尤其係大型機臺，独有貼紙相機區，影到笑，環境
高級，衛生一流，全女待應，多女人，多靚女（不過大部份係似捭人包起咗嘅外
地姑娘），光綫一流，地處天河城廣塲内，保安一流，氣氛旺，游戲LV底，衣食
住行厠應有盡有！！！！
缺點：自由度低（成個天河城廣塲都唔捭人瞓覺），禁煙區，游戲款式新舊極端
，壞制未能及時修理，講到賠銀就叫你等一陣（等好耐），貴，全日一蚊一幣，
除極端舊款嘅機外，其余全部两幣以上一局，高至六幣，極高消費！！！
南夢宫 ****
優點：全廣州独有Ez2Dj SE，有DM，環境好，衛生一流，旺地，衣食住行厠掂，
多女人，有靚女！！！
缺點：壞機太多（幾乎都係原裝淘汰機），游戲款式舊，自由度超低，服務一般
，同天夢宫差唔多，一蚊一幣，價格有過天夢宫之而無不及……
迷失世界 ****
太耐冇去，唔知而家變成點……
優點：環境好，空氣淸新，全部女待應（大部份靚女），乜機都有（幾乎啫），
右邊塈大，對面華師，三華（師工农）環繞，知識田園，乖乖仔嘅好去處，價格
合理（一蚊一幣，但多數一幣一局），衣食行厠算理想！！
缺點：營業時間飄忽，自由度低，禁煙區，人少，女人更少，靚女更加少到得返
啲待應……
星戰基地 *****
優點：DDR、RF、DM、手指指、KOF等等應有都有，地方大到不得了，DISCO布局，
人旺，多女人，多靚女，服務好，應節時間有抽奖，衣食行厠樂影視全優，正！
！！
缺點：光綫暗，布局有啲亂，配合埋人多，一有失散起碼要搵返幾分鐘先得到，
好嘈，貴，全部二幣以上一局！！！
荔灣廣塲 ****
優點：DDR、DM、BM都有，旺地，衣食住行樂厠都掂，有點歌機，多人，多女人，
多靚女，樓上有HOUSE，對面有保龄球馆，隔離有桌球室連乒乓球臺，打完機可以
督下波夜啲再直落上樓，又或者可以行下街，去千彩，去老爺車，再唔係可以步
行一夜街，係連環消費嘅好地方！！
缺點：機舊，機壞，機貴……
天天 ***
優點：應有則有，但與普通街舖機室無異，所以没甚麽過人之處，好在有DM……
缺點：交通不方便，地處公共汽車两站之間，換言之無論你響邊度落車都係要行好遠路水，解决唔到大小便問題……
風雲 未知
去過幾次，都係閉門待機，所以入面係點樣我唔知，不過聽人講入面有RF，有DM，有GF，我望過下入面，地方都幾大，不過起碼有一樣唔好，個塲嘅牌照唔穏定，開關不定……
麦克龍 ***
一部RF，一部DM（可惜太爛，冇人整，尤其係BASS，爛到……），两部DDR2RD，廣州唯一一部BM2DX（唯一令呢間機室値三粒星嘅因素），有独立厠所，可惜衛生差，全塲嘅衛生都差，捭食煙，但係冇煙灰盅，至於其它機臺全部都可以例入劣貭行例，全數缺點……
金龍馬 **
雙層設計，但係所處嘅建筑十分似危樓，内部環境惡劣，燈光暗淡，极有十年前嘅機室風味，難得嘅係有一部RF同一部DM，但係部DM就……爛過爛地，配合埋建筑嘅缺定，玩起身成棟樓都震曬，如果ALIEN去玩，唔單祇拆機，幚棟樓買定保險都得……，塲内烏煙障氣，乜人都有，但個人意見多為低下層人仕（我都唔係高層，所以我都入去玩……:P）！！！
----
█ █ Ｂｅｍａｎｉ 音樂游戲板 █ █
█ █ ╭─╮ ╭─╮ █ █
┌┐┌┐┌┐ │⊕│ │⊕│ ┌┐┌┐┌┐
││││││ ╰─╯ ╰─╯ ││││││
└┘└┘└┘Ｂｅａｔ Ｍａｎｉａ└┘└┘└┘ |
|