|
发信人: twinsqq(AngelBlue) 整理人: pennydongming(2004-08-30 22:58:49), 站内信件 |
| 珍惜每個階段
GC= Green Coffee CW=王雙駿 (Carl Wong) GC: 查看你的資料發覺你第一首出版的作品是何寶生的「醉吧!醉吧!」，其實那是多久以前的事? CW: 如果沒有記錯是92年。 GC: 其實你是怎樣入行的? CW: 中學時代已開始夾band，當時已很知道自己想做什麼，一定不會是坐在銀行或寫字樓打工，一心想著做音樂。讀完書在巧合的情況下入了藝能製作公司做messenger。當時好好彩，第一就是見第一份工就請，第二是公司氣氛很好，十幾人好似family咁，放咗工會去街，放假又會去老板屋企玩，好開心。最開心的是那間公司業務範圍廣，讓我可以每樣嘢都睇下，包括認識音樂方面的人，睇下自己的行車線應怎樣選擇。 做了幾個月之後轉了做artist management，即現時的 “保母”。好似唔關事，其實對我來說很有用 --- 因為我們現在無論做音樂、唱片或演唱會都會牽涉到artist。到時候我起碼有一個基本的概念，知道怎樣 “揍” 一個artist，怎樣令他舒服。不同的artist有不同的脾氣，有時令他們專心做他們該做的事情是助手應分擔的事，亦讓我明白到artist的schedule的重要性。 我很喜歡睇身邊的人做嘢，就算我做messenger是返10點放6點，放了工我也不會立即走，我會留在公司企下，睇下有乜幫到手，學下嘢。一來與同事關係會好，他們又會覺得我很有心，會叫我試下跟D嘢。當時因為公司有做演唱會，於是我對演唱會製作有了基本的概念，明白原來做好一個演唱會牽涉很多方面。當時我會睇rehearsal，睇下隊band點夾。 做了一年後，藝能和寶麗金合作開唱片公司。我老板知我鍾意夾band和音樂，於是叫我過去，所以我開始了跟做唱片。那時又好幸運地跟到一個好「緊要」的人 --- 杜自持。用 「緊要」來形容他是因為他耳仔好叻，又識做演唱會。而他其實對我影響很大，因為那段時間對我來說是個速成班。我看著他寫full score、做programming，由最basic的鼓，找人來彈結他等等，睇哂成個過程。對我來說他真的好叻。就是因為那時候跟一個這般高水準的人，覺得那個就是標準，於是成日覺得自己未夠，所以真是很好彩。 他又肯放手給我做，例如做第一隻碟我已經有機會去Mix，那時我和Engineer一齊 “鬥”，在studio接力做，瞓一陣做一陣。現在諗返起那時嗰啲嘢梗係唔得啦，但當時真的好有熱誠，在過程中吸收很多，很有趣。 一直就是這種關係做了兩年便有機會做producer，做何寶生隻碟。其實直至做唱片才算開始了自己的事業，可以講到比人聽自己做邊行。之前像個學師仔，preschool來的。 GC: 可以說那段時期develop的skills對你很重要? CW: 對，所以說自己好彩，沒怎樣o徙時間。So far 咁耐做唱片遇到嘅，同之後出來做freelance，每一個階段都冇o徙到。 我一開始是做草猛。遇正這三個人就好像向難度挑戰，因為要對付三個人，而他們每個都有不同的想法。我們常說自己是「花事令」--- 將他們三個的東西放在一起而將磨擦盡量減低。 那時很多人認為做音樂搵錢很容易，用不著這般辛苦做他們。但我就唔係咁睇，因為我覺得雖然做的過程好辛苦(又長又教好多)，但最後做完「啤」咗件嘢出嚟個滿足感大咗三倍。我好記得我與草猛正式第一次合作是95年出版的「三人主意」。隻碟出咗嚟之後攞比人聽，無論行內行外，最自豪的一樣嘢就是不用skip track，即是大家坐o係度聽，唔會面紅，唔會話「呀呢隻唔好聽喇」。而是每一隻都好想比你聽，因為每一隻都有它的故事，「有D嘢」比你聽。那是真的好開心。雖然那隻碟做了個半月，日以繼夜，好多時間住兩邊studio，一邊錄一邊mix。 後來接觸到軟硬，阿Jan，更加覺得自己像在少林寺出身。他們就是訓練到我一樣嘢 — 就是不要太快甘心，諗多一步或更多。好似細個考試，做完之後其實要覆卷，你會發覺原來有D嘢係錯嘅，或有D嘢可以再做好D嘅。就是這個過程，不是個個可以話你聽，但是阿Jan、草猛 就會令你去做呢樣嘢。那段時期的訓練和吸收力最強，令我之後做嘢都覺得係應該要唸嘅。到現在我也覺得是這樣，雖然未必有這個需要。有D人編首歌可以好快，但我唸一個chord 可以唸一日，真係有病(笑)。 ============================================ 王雙駿的小檔案 第一首出版歌: 醉吧！醉吧！(何寶生) 曾經出版的作品: 新聞女郎(梁漢文) 玉蝴蝶(謝霆鋒) 1874(陳奕迅) 昏迷(盧巧音) 反高潮(陳奕迅) 最後一課 (容祖兒) ---- POP不鼓勵非法下載音樂，請大家支持正版，給音樂生命！  <-点我个E神进入“ EASON讨论区”
NOW AND THEN THINK OF YOU AND ME FOREVER FRIENDS FOREVER WE'LL BE TIME IS CHANGIN' BUT NOTHING'S TO BE BLAMED COS OUR HEART FOVEVER SING 
爱很简单，一次落错车辗转了两个人的幸运 假如爱有天意，你一步一生埋下情陷三角志的伏线 身边七友，遇见你爱不释手的乱世佳人 即使她比我丑，你仍与她边走边爱 过去你无声地掩饰向左爱向右爱 盲目跟你走在一起，是我想得太远了 你听得到，就让我情逃十面埋伏 今夜还你门匙，写下飞女正传记载这段玻璃之情 |
|
[关闭][返回] |