发信人: horacelaai(Horace)
整理人: supraboyqd(2004-05-17 11:50:07), 站内信件
|
我爷爷去世了差不多20年了，
一直埋在乡下的山上。
但是，今年出了个通知，
话要山上的地会另作用途，
需要迁坟。
当时我D亲戚持有两种意见，
一个係将D骨灰迁去乡下嘅庙度，
（乡下D长辈嘅骨灰大部分都迁去个度）
另外一个意见係迁去一个比较远嘅地方嘅另外一个山头，
（係一个永久墓地，因为可以葬翻落D土度，寓意“入土为安”，
大部分人，包括奶奶，都希望将D骨灰迁去呢个山头度）
上两个星期拜山，
就响个坟前起咗争执，
后来我啊叔就都无晒意见，
嬲起上来就话不如迁翻乡下间屋度。
最后，有个亲戚话不如掉银仔，
问下爷爷点啦！
结果设置咗十几个问题，
例如话：
爷爷，你想唔想迁翻屋企？
爷爷，你想唔想迁去个墓地度？
爷爷，你想唔想迁去个庙度！
…………
之类D问题，
但系无论点样问，
得出嘅答案都系想去嘅庙度。
最后无办法，
问爷爷系咪真系想去个庙度，
而且决定三盘两胜制度，
点知道掉咗3次，
答案都系话想去个庙度。
后来乡下D长辈话，
可能庙度好多亲戚朋友，
爷爷想同距地一齐（爷爷中意热闹），
费事去到一个远嘅山头，
隔离左右都唔认识，
会好孤单。
所以，最后大家都尊重爷爷嘅意见，
决定择日子将D骨灰迁去个庙度。
希望爷爷在另外一个世界都生活得好啦！
----
没有不停的雨，没有不来的黎明！ |
|