|
发信人: ambro(
) 整理人: jonthen(2004-05-02 00:57:17), 站内信件 |
| 讲番小黑黑先~
前晚食咗少少鱼就瞓啦，结果4点几的时候全家俾只狗狗嘈醒咗，一起身就发现5见咗小黑黑，全家一齐揾，妈妈同婆婆好担心，话佢都5知道走咗去边，揾咗成半个钟，先发现原来佢匿咗系我房门口嗰张麻将台下面瞓，妈妈话佢可能觉得嗰度够隐蔽，周围又可以靠住，有安全感啊 寻日中午打电话番屋企的时候，婆婆话佢上午呕番嗮出来，水又5肯饮，担心死我啦 收工番来的时候妈妈已经番咗来，放咗小黑黑系阳台个地面瞓住，等佢望下天吹下风，我哋关咗个阳台门费事nana出去搞搞阵整亲小黑黑，结果小黑黑叫得好大声，搞到我氹咗佢好耐啊 妈妈话小黑黑都几精神，饮咗D葡萄糖，食咗D猫粮，而且系冇浸过水的猫粮啊！小黑黑真系好犀利，我以为佢而家咁样，下巴骨错咗位，应该有排都未可以咬得到硬嘢，结果竟然食到啊！ 妈妈话小黑黑都冇咩事，而且竟然叻到自己高添，话系婆婆见到的，佢一嘢就跳咗上婆婆张床旁边嗰张凳面个箱度然后瞓住，根本就5使先上张床再跳上去啊 见到佢冇咩事，寻晚就冇带佢去打针，谂住过多两日再带佢去检查下个伤口 今日起床，妈妈话小黑黑识得自己去嘘嘘，而且食咗D饭，又自己走去饮水，之后瞓咗 好多谢大家的关心啊，好多朋友都传纸仔啦QQ啦短讯啦问我小黑黑的康复情况，睇落佢康复进展5错，希望佢可以快D好番啦~~~~~~！！！ 至于嗰只前两日提到的系医院的猫猫，总觉得佢可能挨5得过的了，因为嗰日见到佢真系好辛苦，5555555……希望佢系天国可以快快乐乐，记住佢有两个好锡佢的主人，仲有个陌生的女仔，系佢昏迷的时候系旁边叫住佢个名陪咗佢几个钟…… 今日的小黑黑~ 
受伤前的小黑黑（一个星期前）~ 
春节时的小黑黑~ 
---- 
:: enter :: |
|
[关闭][返回] |