|
发信人: saralou(晴天要做老虎BB) 整理人: supraboyqd(2004-04-19 10:57:25), 站内信件 |
| \大家發覺嗎?台灣靈異新聞比香港多好多，有人說因為台灣人比較迷信，還是香港人的思想比較封閉，不夠開通？
在台灣東森新聞報工作的記者陳志東，就報導了一宗在馬來西亞廣泛流傳的鬼魂事件，當地的傳媒大部分都報導過喇。 事件是這樣的．．．．馬來西亞有個著名ｏ既旅遊點，就是有賭場、有遊樂場等的雲頂高原。有一對年輕夫婦，老婆從未去過個度，好想去痛痛快快咁玩一次，但老公就怎樣都唔肯帶她去。後來老公被老婆煩到冇佢附，唯有帶她去雲頂高原一償心願。 佢地到左賭場之後，老公的手氣好到咩咁，贏到開晒巷，沒有輸過。但過了晚上十二點後，運勢逆轉，開始一直輸錢，他們不忿氣，一直賭到兩三點，最後把所有錢都輸晒，連住一晚咁多酒店ｏ既錢都沒有。佢地只好在凌晨時分駕車下山返屋企啦，點知駛到半山時，架車冇油，四周沒有油站、沒有民居、又冇救兵，老公於是叫老婆千祈咪離開架車，他自己就下山揾人幫。老公走後，老婆不知不覺間在車裡訓左，唔知道訓左幾耐喇。佢醒後仍不見老公回來，唯有好無助咁ｏ係車度等，一直係咁等等等。 過了一陣，天都開始光ｌｕ，老婆開始感到奇怪，因為當時她在車上，偶爾看見有其他車經過，個ｄ車本來用正常速度行駛，但當經過佢架車時，那些司機不但冇停低問題有沒有要幫忙的，反而加速離開。 一架係咁，兩架係咁，三架都係咁（咩事呢？）．．．而佢老公仲未返，她感到相當驚慌，根本唔知發生咩事。 忽然，佢見到一輛警車出現，停在離她相當遠的地方，ｄ差佬用大聲公叫她快快下車，並千叮萬囑叫她不可回頭看，要一直跑上警車。雖然她唔知到底發生咩事，但她也依照警方指示，衝落車後，頭都唔敢回咁走上警車，而一名神色慌張的差佬就用力拉佢上車。呢個時間她順勢回頭（佢見到咩？唔望還好，一望就嚇死佢），她看見一名身穿白衣、青面長牙的女鬼，正坐在佢的車頂上，咬著一個人頭，佢老公架個頭！！ 後來警方在離那車兩百公尺處，發現佢老公的無頭屍！呢件事在馬來西亞炒得好大鑊，有報章仲登埋一張由警員拍攝的黑白照片，那是女得住在車頂的照片。 後來台灣記者就呢單野訪問左馬來西亞幸福旅行社派駐台灣的員工，該名員工也打過電話回馬來西亞查問過，發生大部分馬來西亞人都知呢單野，不過事發地點好像不是雲頂高原，而係馬來西亞第三大城市怡保的一條隧道內，這隧道在一條連接泰國與新加坡的高速公路上。不過冇人知那女鬼是誰，都唔知佢點解要咬人頭。 你下次去馬來西亞旅遊個陣，都係咪去夜街喇！！！ ---- 
|
|
[关闭][返回] |