发信人: gowing(黄耀伦VS周杰明)
整理人: honda_ccb(2004-02-24 08:37:54), 站内信件
|
第一次参观车间，而且系汽车生产，而且系一个大牌子，而且系讲英文既地方
系入车间之前，就见到出便停住好多车，款款唔同，介绍人话停系度既呢d车全部都系根据客户定制生产既，无一部系相同既
生产成品好似分两部份出来，一部分系英国本地既，一部分就直接上唔知系火车定系咩意思，听唔明，总之就系运去外地，例如欧洲其他国家或者美国亚洲加拿大……
入到车间当然唔俾影相嘎啦，大家着住荧光既Jaguar Visitor既衫，戴住耳塞（听讲解用同埋保护听力），戴住防护眼镜，跟住鬼佬讲解，其实全部英文，加上好多都系d专业既名词，基本上听唔明，唉，真系
我地参观既车间好大好大，我都唔识形容，后来有同行话见到3XXX……呢个数字，我琳总唔会300平方吧，所以一般车间几大，大家估计有个认识吧？我觉得就有几个足球场甘大咯
主要都系睇车外壳组装，然后外壳同核心部分（马达啊等等所有装好之后既“下底”）最后组合既部分，关键既“下底”部分根本就唔会俾外人参观嘎啦
之前无参观过国内既汽车生产车间，所以无得对比，唔知水平
但系参观路线都系预定好的，跟住路上一格格一条条既线走，唔俾自己行开，更加唔俾影相（包括相机同埋手机）——不过其实如果真系间谍既话，怕且都难唔到，呵呵，可惜我唔系
系一开始既好似叫做“bodyshop”既部分，一入门口就见到好多外壳等等散件挂系铁网墙上，真系好似手术或者实验室甘，一件件挂系度，全部未上色（今日仲有可惜既就系无得参观paintingshop，汽车上色既车间）；见到好多机械臂，上面写住“Kawasaki”，一睇就知道日本野，仲有意大利既“comau”（希望无记错吧）既设备。吊架，巨大既设备，偶尔从头顶行过既半成品，换钻头既机械臂等等，就系今日睇既总体印象。因为我唔系专业人士，而且听唔明d英文，所以只能大概写出来，希望大家原谅。
奇怪既就系，一条生产线上面可以同时生产唔同既车，主要系指唔同颜色，唔同车款（小部分既区别，例如是否有侧灯等），左呔右呔等等，都系系同一条生产线上出出入入，真系好开眼界。
d车可以自己定制是否加音响加电视等等，好似话有7寸既TFT显示器，除佐可以睇电视之外仲可以做卫星定位帮助开车，只要输入出发点，然后输入目的地，系统就会自动计算路程，话你知咩时候转左咩时候转右，行错佐仲会提醒你wrong way，而且有各种语言，英文德文法文日文……估计都有中文吧？？听唔清 :(
其中有一点中途讲到既系，大家关车门都习惯出力“抨”一声甘出力关门以确定关好门，但系呢d积架即使门离锁好近（即系仅仅打开一条缝），用手轻轻一推就可以关好门了，根本无需要出力“抨”一声
装好车门啊座位啊之类既野之后，d车就会进入检测阶段，排气啊，刹车系统啊等等，好似话会用XX升水淋落部车度测试放水性能如何，而且之后d水会循环再用，每次每部车仅仅会用到半升水，汗……
睇住d人系度开车就真系正，新跨跨既一部车，正啊；睇住生产线上一部部既车，我琳边个都会好想好想拿一部走了……………… :( @%^#%^!$^@^!%^
其中某个部门，话以前需要3000几个员工，但系有佐新既2、300部“机器人”之后，员工就得翻191个……
好似话每个星期生产2000部……
整个车间有一个中央系统监控，大大既显示屏分布车间既各个不同既地方，边度出问题，边度需要帮忙，边度需要咨询，一目了然，而且某个地方出问题唔会报好吓人既警报声，而系音乐声，音乐仲会定期更新，呵呵
就我行过既车间一共见到两三个休息既地方，有凳有台，咖啡机等等设备
的确整个过程都唔系见到好多工人，依家琳翻转头都觉得机械设备就多，工人有男有女，或者系男女平等既反映吧
我没有参观过国内的汽车生产线，也没这方面的基础，但是我知道国内现有水平是跟不上这样的水平的吧？中国人，当然希望以后自己的国家能够有站出来的一天！
因为之前发贴贴图后来发觉相册不支持引用，所以只好删掉
大家想看图的请来这里吧
http://cn.f1.pg.photos.yahoo.com/ph/wanchestercambridge/album?.dir=/%ce%d2%b5%c4%d5%d5%c6%ac&.src=ph&store=&prodid=&.done=http%3a//cn.f1.pg.photos.yahoo.com/ph/wanchestercambridge/my_photos |
|