发信人: 1aabbcc9(孤寒)
整理人: benemore(2004-05-19 20:08:32), 站内信件
|
2003年7月17日
今朝6：45就要起床，因为要赶机。老豆陪我去机场，其实我既中意又讨厌里D时候：可以去玩，我开心；但系每当我见到老豆同我招手的时候，我又会觉得良心不安，见到老豆开始中年发福的身型，我就会觉得心酸。
8：30班机，去新疆。要左成几个钟头车，好闷，再加上里班机D空姐唔靓。2点左右就到左乌鲁木齐。个度D天气好正，风凉水冷，好似当年到英国时个种感觉，有好明艳的太阳，有好大棵而且苍绿的树，有风，D风有D凉。坐左一阵车去到宾馆食饭，一睇表，天啊，北京时间3点。后尾先发觉，原来里度的时差同北京相差2个半钟。
食完饭就去左间博物馆睇D千年干尸，D样颇为之核突，不过有一个仲话系“楼兰美女”，有个细路，个样仲衰，听讲话系当年用黎陪葬，比人活埋的，仲可以清楚甘见到距死时挣扎个样！！！我都唔明点解以前D人可以甘残忍，；连细路都唔放过，唔通自己享乐真系甘重要，重要到连人地条命都可以唔要，我唔可以理解。而且又无人知死左之后系唔系真系可以享受到陪葬人的服务？！D人实在无赖~~~~~~
怀住怒冲冲的心情离开左博物馆，去左一个批发市场买水果。抵~~~~~~3毫一公斤西瓜，又甜又多汁~~~~~~~~~~~~~~
|
|