发信人: cloud-layer(IQ博士-小云)
整理人: lilin(2003-12-31 22:31:53), 站内信件
|
03年过得好痛苦，如果唔係有旅游同朋友的支持，唔知点活下去。
过年期间去咗江西婺源，呢个地方早係一年前就想去，直到呢个春节先去得成，婺源给我的感觉係破破旧旧、简单、纯朴，我就係冲着呢几点去的，最令我失望的就係邋遢，周围都係垃圾，冇人会保护自然环境，不过总的来讲都几满意，无白去，影咗好多靓相，因为有一班朋友陪同，令旅程更加添色彩，我就咁度过咗一个春节。
4月去咗成都出差，因为从未去过成都的我有D期待，但因为係出差所以只有我一个人前往，感觉有D寂寞，係成都呆咗一个月，係难挨的一个月，到个时先知道出差係唔同旅游架！一个朋友都无，连去玩都提唔起精神，开始想念家同广州的每个朋友，但都会一有时间就独自一人係成都市区周围走走，感受下成都人的休闲，期待5月的来临。亦係成都买上白玫瑰哀悼逝去的张国荣。
5月仲係非典期，5.1坐上归家的飞机，机场每人都带上口罩，好恐怖的场面，係成都时每人都劝我唔好番广州住，可以係成都玩上几日度过呢个假期，亦都可以防止感染，我无听人任何人劝，因为我想家想朋友，我从未试过一个人出远门咁耐，所以5.1呢个假期就係广州家里度过。
5月5号又坐上飞成都的班机，又唔知要係成都呆多久啦！不过今次心情又唔同咗，因为係成都又多咗几个朋友，我哋仲约定等我工作冇咁忙一齐去九寨沟、乐山、峨嵋山、四姑娘山添，有咗去旅游的幻想人都开心D架! 捻住等成都楼盘开咗我就会无咁忙可以去旅游，点知楼盘要推辞开，亦有同事来替我工作，我要番广州啦，当我知道呢个消息之后好嬲，本来我应该好高兴先係，又可以番屋企啦，但我今次一走唔知几时先有机会去成都玩同见我相识两个几月的朋友啊! 捻起就有不愤气，想同老板据理力争，但换来的结果都係要番走，仲有不可预知的悲惨后果。
7月初怀住悲痛的心情飞回广州，捻住重投广州的正常生活，点知係广州公司上班第二天就加入咗失业大军，呢个就係抗拒的结果。
7月中为咗散心，去咗4日阳朔，今次去阳朔係第三次，除咗第一次去係玩之外，后两次都係去休闲散心，使我感觉到遇到唔开心就去阳朔啦！呢次去冇白去又认识咗几个新朋友，每次旅游都会认识唔少新朋友，令我有小小欣慰。係阳朔最后一天竟然有朋友打电话来叫我去佢公司上班，我又有番工作啦！睇来阳朔係一个令我转运的地方。
9月下因为种种原因我又冇做呢份工，朋友的结婚、朋友的BB满月、准备去泰国的心情使我度过无聊的9月份。
9月30号搭上去泰国的旅程，係泰国玩咗6日，感觉泰国车多人多，总算完成咗我的出国梦，係泰国度过我的生日。因为仲未有工作，又係香港呆上咗6日，香港都係第一次去，感觉马路细窄但人车都好守秩序，又认识咗新朋友，不过番广州的途中就惨啦! 过关查得最严就係我，应为我大包小包的，又係从泰国过境的，但总算顺利番到广州。
10月中本来係迎接新工作的，叫我跳槽的新公司签唔成张大单，去唔成，又加入失业大军，唔想再稳工啦月底去咗朋友间公司帮手，做住先啦! 心情仲係好差。
12月去咗一趟澳门，澳门正啊! 我中意，係吃贵D，其他都OK，开开心心玩咗3日，有机会再去，好多地方都未去啊! 12月30号又收到不幸消息，又一巨星逝世，怀念梅艳芳。
又过咗一年，希望04年会过得好D啦! 祝愿我认识的、刚认识的、唔认识的所有朋友新年快乐，想去边就边，永远开心快乐。我相信唔开心总会过去的。 |
|