发信人: zhilingh(游如诗)
整理人: airken(2003-11-07 15:19:34), 站内信件
|
吾好话我地方主义，我觉得广州球迷乃至广东球迷都好地方主义。当然，我觉得依一点好好。依个世界无乜边D铁竿拥趸吾地方主义噶。
广州球市以前一直上吾去，同大部分本地精英流失好有关。成绩固然系一个原因，但系想当年国仔，胡椒，军仔，大象，霍日宁，区仔，谢育新，袁俊辉等等0既出走，温俊武，彭锦波，董国智0既堕落，吕建军，温军等等主力0既熄火的确系最主要0既因素。以前大家有D感情0既球星都吾响度，仲边有热情去体波啊？
点解碧咸同废甸南响英国甘高身价？吾系因为距地有几高水平，而系因为距地系地道英国人，可以吸引倒球迷入场体波，可以刺激到波衫销售。
广州想再创辉煌，首先要有钱，要有球迷0既支持。本地球星云集，本地有实力企业0既全力支持同埋一个威水沙尘0既名系缺一不可0既。以前广州太阳神就系完美0既结合体啦。
其实，吉利同松日合体的确对球队有所促进。起码我地又可以见番飞机鸟哥等一大班球员为广州队踢波。香港优秀球员0既引进（例如吴顺超等）亦都加速球队本地化。起码，如果成支队都系讲广州话0既，球迷都会觉得好有亲切感，球队都好有凝聚力。好似以前高洪波，魏意民甘，踢得几好都系捞松，无乜意树~
我觉得，水平差距吾大0既前提下，请外援不如锻炼下新秀。如果外援实在优秀，薪水就必然水涨船高，更加吾值得。所谓卧薪尝胆，广州足球要0既系巩固根基，再创辉煌，本地球员0既培养同包装应该放响第一位。暂时性成绩0既突破根本说明吾倒咩野。 |
|