|
发信人: jesschuchu(★Jessie楚楚★) 整理人: air11(2003-11-27 17:38:39), 站内信件 |
| 一般豪迈原装车用既系属于一种“PW型（活塞型双浮筒式）”化油器。系女装车中最常见的。
而今次改车所用的OKO28m化油器亦系属于此类。 
呢一只系OKO28m化油器同铝合金大口径岐管。 单从外表睇，系米同一般既化油器没么区别, 其实唔系的，区别大得很~~~~~~~~~ 下面就黎睇下呢只化油器究竟有咩野特别之处 
首先先将岐管同化油器分离，睇睇分离左既歧管同化油器~~~ 
分离左既岐管，可以见到系歧管侧面既负压管接头。（负压管系连接自动油杯的） 
 
话明系大口径歧管，口径就一定系比原装既大点啦。 好多人都唔知歧管既真实作用，经常都以为歧管就系一只弯既接头甘简单。 其实，歧管唔止甘简单的。 
想知道一只甘既歧管有咩野特别既作用？？ 下面就等我以一幅图片同大家说明一下。 
大家都知道歧管系连接化油器同汽缸既，系化油器出黎既混合气首先要经过歧管再到达汽缸。 但系好多人都唔知到原来歧管既长短同口径大细会直接影响到发动机既工作效率的~~~~~~~~~ 下面就等我用一幅图同大家说明： 首先睇睇A歧管，A歧管比较短。当发动机处于起步状态时，需要消耗大量混合气。比较短的歧管可以使混合气 系最短既时间内通过，而且唔会有“停留”效应。所以起步比较有力。 再睇睇B歧管，B歧管比A歧管要长点。系发动机已经起步左并处于一个继续加速既过程中，所消耗既混合气已经 没起步时甘大了。增加歧管既长度，使到混合气通过歧管既时适度“停留”一下，使发动机唔会因供气量“过盛” 而降低工作效率。 最后再黎睇下C歧管，C歧管的长度明显比A歧管同B歧管要长。当发动机完成左起步、加速、达到高速运转既时候， 由于气门既高速运作，会有更多更大量既混合气涌入。呢个时候，长既歧管就好似一个小型气罐甘，混合气系进 入发动机前先系歧管内进行充分既“停留同混和（达到最佳浓度同汽化效果）”然后再进入到发动机。甘样发动 机高速运转起黎先至会更顺更平稳。 今时今日，系工程师们既眼里面，歧管更加系一个标准既“储气罐”~~（附：巧妙甘改变歧管既长度，可以令发 动机运行起黎更有效率，包括宜家的最新款的本田雅阁亦都使用左“可变长度歧管”呢种技术。） 跑题啦~~~~~言归正传。系呢度，使用大口径歧管既作用其实就系想增加混合气通过的量。令部车既头段更凌厉。 唔知大家明未呢？ 下面就继续研究化油器既构造同原理。 
粉红色的透明软管分别系通气管同泄流管。 其中泄流管既作用：（当油室内油面过高时，油会自动排出。使油面永远保持一致既高度） 
轮到拆顶盖啦。 首先要用手按住顶盖，防止弹簧将顶盖弹出。然后将顶盖上既两粒螺丝松脱。 
弹簧好好力，螺丝一松脱个盖就弹左出黎。不过好在用手按住。 
拿起顶盖，可以好清晰甘见到距既构造，油门线就系从中间个窿度穿过的。 原装豪迈既油门线系肯定唔岩装的。不过我地可以选择其他点细头既油门线。因为距地既接头比较细， 比较容易穿过顶盖。 
拿开弹簧拿开之后，就可以见到活塞啦。 
再将里面点野都倒晒出黎，我地就可以见到~~~~~~~~~~~~ 半月型活塞、弹簧、油针以及油针托。 
倒晒点野出黎之后既内部情形  首先先黎睇下个半月型活塞先~~~（要搞清楚哦，此活塞既功能不同于彼活塞既功能哦。）
无Power啦。。。。待续////////////////////////// ---- 
   |
|
[关闭][返回] |