发信人: yomato(破猪)
整理人: mathis1222(2003-08-31 00:58:33), 站内信件
|
虽然英超仅仅进行左两轮，但系我觉得今季曼联既阵容仍然十分强大。
曼联目前主打4231，哩个现时最先进既打法。
碧咸走左，对曼联既影响唔算太大，442既年代，碧咸既右路出波好有威胁，但系4231就真系唔系好适合碧咸，右路单点传中既打法唔适合4231既要求，个3字要做好多文章出黎，费SIR要求哩3个人活动范围要大，经常要交叉换位，打乱对方既放手部署，碧咸大易俾人盯死，0甘就少左战术既灵动性。
一开始我以为华朗走左系曼联极大既损失，打完纽卡素，我发觉坚尼既状态有fit返，0甘摆多个华朗系度就真系浪费左渠既才华。的确曼联无可能做到以华朗为中心既打法，卖左渠都确实无可厚非。
守门员：
门将侯活颇有当年舒米高既风格，系后场敢于大喊，哩个对刺激成支队既斗志系好有效的，有稳健既门将，前场球员就可以放心进攻。
巴夫斯唔好话渠唔掂，98年世界杯渠都算出色。有渠做替补，都唔使过分担心侯活会受伤。
后防：
现时曼联既阵容后防我觉得都算稳健，因为变化唔算太大。上季曼联可以拿到冠军后防既稳健系好关键既。加利仔、菲列仔都唔错，菲列仔虽然打右后防助攻无乜太大贡献，但系渠凶狠既拦截风格都几有特点，里奥逐渐成熟，施维斯达好稳重，科东尼同奥沙打左后防都几有威力，加埋布朗复出之后，哩几个人可以变化出好几种稳健既后防组合，如果可以保持度一条状态稳定既后防线，0甘曼联就真系有福咯。
中场：
防守中场既阵容最具备板凳深度，坚尼，毕特，赞巴，基巴臣，四条友伤极都唔会伤晒挂。坚尼状态复勇，赞巴系一个勤劳既工兵，基巴臣系好球员啊，广州打比赛既时候见渠都几出色，毕特正值当打，4231既2应该几多选择。
苏斯克查、史高斯、杰斯、C朗拿度，甚至科兰都可以打，哩几个3稍嫌板凳深度不足，唔知几条新仔有无能力做好后备。
前锋：
云尼状态勇不可挡，最大既问题就系渠伤左既话边个可以代替渠啊？真系颇费新思，科兰希望争气啦。
一支球队既成功要有强大既后备，曼联上季无，哩季我个人觉得改善左好多，而且球队年轻化左，我希望可以有好既成绩。 |
|