发信人: elinlin-gz(天空一片蔚蓝)
整理人: erinfang(2003-08-01 00:19:40), 站内信件
|
做野做到闷闷地，写埋剩底果D先：）
果酸补水面膜：
呢只水晶话就系佢写左报告果只，但系因为我未去过柜台睇过，所以我都唔知系唔系。只面膜系比较稀嘅，有小小浅绿色，擦上块面度好舒服，即刻会有补水感觉。听朋友讲话呢只膜含嘅果酸其实好少，性质好温和，所以即使擦响眼部都唔怕，亦可以敷过夜，不过我就未试过。水洗后觉得补水效果非常好，皮肤有即刻嫩左嘅感觉。
美白补水面膜：
呢只膜系我用过嘅他家产品最失败嘅野。只面膜比较杰，比较难推开，而且敷落面部D皮肤会觉得呼吸唔到，得干左后用水洗干净，既唔觉白左，亦唔觉水左，所以我用过之后就无再买过。
水油平衡精华：
买嘅时候系冬天，朋友话冬天要用D稍为滋润D嘅野，死推荐呢只野，我就谂住试下都无坏啦。只精华系半水半油，好明显系分开嘅，上半层油下半层水，用之前要摇均。虽然系冬天，但系我都系觉得偏油，所以只系用左两次就无再用，真系大SAI啊，可能中性偏干嘅皮肤会比较合适，我朋友系中性皮肤就觉得好好啰，话用完后上妆都会贴D。
眼霜：
呢只我系半个月前买嘅，唔知大家记唔记得我系写过报告话用过LANCOME只深层再生眼霜都去唔到黑眼圈同眼纹之后，再转嘅另一只眼霜。只眼霜系泵装，用起身都几方便，但系我会觉得太油，而且只味唔系几好闻，不过唔会起油脂粒。可能系我嘅眼部问题太根深蒂固啦，所以用左呢只野都成两三个星期啦，仍然唔觉得有咩改善。当时朋友同我介绍话他家有三只眼部护理产品，一只眼膜，有收紧作用，但系偏干，佢自已就系用紧呢只眼霜，佢就觉得几好，仲有一只眼啫喱，会比眼霜更油。所以我都唔打算再败他家嘅眼部产品啦。
总嘅来讲，我最满意嘅系他家嘅去死皮素、果酸补水面膜同海泥面膜，尤其系去死皮素同果酸补水面膜值得推荐。不过听朋友讲话国产果D产品线唔齐，就我买开果D产品有D柜台都仲未有，佢地都系国产同进口分开两间公司来做嘅。
另外，他家有只明星产品叫做鱼籽精华，系好似D针剂咁嘅包装，听讲话一擦上面即刻效果立现，皮肤变得有光泽同细嫰，不过就太贵啦，好似一支要成两百几，只可用一次，省D嘅话就一支分开两次用，但系我觉得好似无咩必要用D咁夸张嘅野啰。
|
|