发信人: yuchix()
整理人: cywx(2000-12-06 00:24:54), 站内信件
|
呢個係一個王子、公主同騎士嘅故事
好耐好耐以前、耐到仲有王子公主同騎士嘅時代，有劍有魔法；但係我哋嘅故
事同呢D無關，王子好愛公主，騎士都係。
王子公主要結婚啦，騎士好傷心，咩都唔想做將自己困響陰暗嘅地牢，唔肯見
到陽光、陽光會令佢想起好多開心嘅事例如公主同王子結婚……
公主準備同王子結婚嘅時候一件不幸嘅事情發生咗：王子唔再愛公主啦，因爲
森林入面嘅精靈好中意王子，於是王子匿響森林唔肯出嚟。精靈呢？梗係想挽留
住心愛嘅人啦，所以，用魔法將森林變成一個大迷宮……
公主冇曬符，所以佢去地牢，揾騎士幫手。騎士見到公主終于都嚟啦，好開
心。
“幫幫我啊，雖然我唔再愛佢，但係呢個國家唔可以冇王子噶……”
公主講咗個大話……
騎士當然冇理由拒絕心上人嘅要求，所以騎士唸都唔唸就同公主走去救王子
啦……
另一邊呢，精靈施完魔法之後，森林再都唔似以前咁可愛啦，變得好陰森，
王子開始好懷念以前同公主一齊響陽光下面談情説愛嘅開心日子，佢開始厭惡精
靈啦。
騎士同公主入迷宮之後，因爲要保護公主，所以騎士受咗好多傷，不過最後
都係揾到王子啦，公主好開心；精靈好傷心，佢要施魔法，將心上人留低。森林
又在改變形態，將所有人都纏住
最後……
“公主……，你終于都嚟啦！”
“王子……係啊，我好辛苦先入倒嚟……”
“你，點解？我同佢會好開心噶，點解你破壞我哋？”
“你收聲啊，我一直都中意公主噶……”
“咁我算係咩啊？你一直當我係咩啊？點解啊，我咁中意你……既然係咁，
我哋
一齊離開呢個世界啦”
終于都到最後啦，森林再次改變形態，好凶惡，準備將其中嘅一切都吞噬。
公主同王子抓緊最後嘅瞬間，擁抱響一齊，其他一切都變得唔再重要……
“冇人可以離開，因爲愛唔存在響人類嘅心入面……”
騎士望住被王子攬住嘅公主：“你有冇中意過我？”
“有” 公主又講多次大話
“精靈，你錯啦，仲有，響我個心入面……”
騎士講完之後將自己個心挖出嚟：“你見倒啦……”
精靈見到騎士心入面嘅愛之後，開始迷惘……
騎士用最後嘅力氣將劍刺入精靈嘅心臟
“對唔住，再係咁落去我哋都要死”
精靈好唔甘心：“你點解要信佢啊~~~~佢厄你噶！！！”
“我唔理，我要嘅隻係一個答案”
“……”
精靈開始慢慢消失，森林又恢復原狀，王子同公主好慶幸自己有命出森林。
佢哋行出森林之後：“我以後都唔會離開你啦”
“我哋結婚啦”
“唔” 公主好怕醜咁應承王子
“太好啦，今日係我最幸福開心嘅日子”
無耐之後,全國上下，萬民歡騰，慶祝王子同公主大婚之喜，從此，王子同
公主就過住幸福嘅生活，白頭到老啦……
？？？
你話我講漏D野？
咩？
噢！！
唔通你話騎士？唔唔，似乎冇人記得呢個人，佢死咗啦（連我都差D唔記得^^）
總之就係王子公主大團圓結局啦
--
愈寂寞愈沒原因
我愛你只因太近但愈浪漫愈迷信不幸
卻愈現美感愈淡薄愈夢成真
有了你新的帶引找出新的繽紛
You're The One
※ 修改:．yuchix 于 Dec 1 17:26:44 修改本文．[FROM: 202.105.40.69]
※ 来源:．月光软件站 http://www.moon-soft.com．[FROM: 202.105.40.69]
|
|
>>有冇人有耐性睇完佢呢...