|
发信人: flightx(FX) 整理人: mathis1222(2003-06-17 19:58:20), 站内信件 |
| 关于俱乐部卖人嘅利益考虑:
卖走碧咸,曼联并唔会有咩泄底.有咗3000万英镑,通过购买新球星,曼联实力好可能有增无减~所以就曼联球队实力而言,出售碧咸无可厚非.另一方面,碧咸响曼联奋斗咗十几年,通过出色嘅球技同埋令女人疯狂男人妒忌嘅外貌,成为红魔嘅绝对代言人,地球人林到曼联,就冇可能唔林到大卫碧咸,佢地已经连埋一齐.e样嘢为曼联带黎巨大嘅商业收益,但ed收益冇可能永远持续落去,与其两年后碧咸可能自由转会俱乐部颗粒无收,不如赚埋e笔最后嘅客观数额,加上新鲜血液将带黎嘅荣誉,如意算盘将敲得更响~ 关于碧咸嘅足球价值: 好多人受外界因素影响,硬就係从内心上对碧咸嘅球技有种抗拒嘅心态.冇错,作为一个中场球员,碧咸冇费高,斯丹甘嘅脚法,冇杰斯,卡路斯嘅速度,冇坚尼,伟拉嘅防守.不过,如果你真係有留意碧咸嘅大部分比赛,你就可以知道佢係球队中嘅积极作用--佢拥有世界上最好嘅右脚,可以传出最具威胁嘅助攻同埋bend出最漂亮嘅弧线任意球,更重要嘅係佢身上体现出曼联精神,总係响最后关头尽全力去为球队改变不利战局,经典事例有99年嘅冠军杯决赛两个扭转乾坤嘅角球,2002年世界杯外围赛最后一场对希腊将英格兰带入决赛圈嘅任意球入球,今年欧洲杯对皇马捍卫曼联尊严嘅两个顽强入球,等等等等...ed全部都係伟大嘅球员先可以做到嘅嘢,毫无疑问都证明咗碧咸嘅价值并唔仅仅係商场上嘅巨大收益--碧咸唔係最好嘅,但绝对係最好嘅之一! 个人感想: 我中意曼联并唔係因为碧咸,而係因为曼联响99年冠军杯上悦目嘅足球同埋顽强嘅精神,令我第一次感受到足球嘅魅力~睇曼联嘅比赛多咗,逐渐留意到碧咸,佢嘅任意球同埋精准嘅传球,以及足球场上嘅潇洒,都深深感染到我.因为碧咸我真正认识咗足球,亦都对我嘅足球发展产生深远影响.在我睇黎,碧咸同曼联根本就係一个整体,我支持曼联,亦支持碧咸,要我放弃其中任何一个我都唔愿意,不过有d嘢唔由得我地球迷甚至碧咸本人黎话事,我可以做嘅只係等待最后嘅结果.无论碧咸去边,我都会支持佢;无论曼联变成点,我亦始终係红魔嘅一分子! ----  + =
永远嘅红魔,永远嘅大卫碧咸! |
|
[关闭][返回] |