|
发信人: cappuccino_lau(深海石斑) 整理人: ivan_xiao(2003-06-10 18:22:30), 站内信件 |
| 话说星期日，小弟与一班损友到天河公园夜钓。钓到晚上8点半，忽然间天闪雷鸣，落起狗屎，所有钓友都潜晒入亭到避屎。外面仲有几支海杆等运到。其中一支突然响铃大作，该杆主人持住支杆掂当，一于懒理，照样煲烟，结果出事啦！！在众目睽睽之下，睇住支杆慢慢弯腰，慢慢弯...慢慢弯...该钓友在我地起哄之下，起身！掉烟头！穿拖鞋！跑出雨中！说时迟！那时快！支杆就俾条巨物拖佐落水，不知所终！唉！真系欲哭无泪啊！！
等雨相对细佐D，我地一干人等打开电池灯，照极都系得个照字，茫茫湖面，乜春都无。心林：无啦！无啦！海杆主人唔份颈，问塘主落佐两只12号钩（佳因现场无人有锚钩）挂落另外支杆到，漫无目的地打出去，跟住搅返厘，无野。再打，无野！再打！还是没有！就在我地可惜之际，有料到啦！！真系俾条友钩返条线喔！！跟住扯返支杆翻来！最神奇既系，线既个头，条罪魁祸首仲挂钩！！捞起一睇，原来系条七八斤既泰鲮！！ 你话奇唔奇！原来大海捞针真系得嘎！ ----  |
|
[关闭][返回] |