|
发信人: dsy2k(末世灵童) 整理人: mathis1222(2003-06-01 02:47:38), 站内信件 |
|
冠军杯决赛甘大场波，直播的时候MISS佐，今日先可以补番数，功课亦都要今日先补做。呢场波虽然法定时间无入波，但都睇到唔少过瘾野，写球评之前，忍唔住要先发下UP疯：P 疯言一： 当大家都话“全意决赛实系闷波”之际，估唔到两军一开波久抢攻。早段舒服真高就有个入波被判无效，睇番慢镜，发觉怀疑越位的雷哥士打根本唔算阻到祖记门将保方，个波省中祖记后卫改变方向入网，的确系神仙都救唔到，最弊电视D讲波佬仲为球证判决护短，懒有见识又无立场，激气！ 疯言二： AC着作客白色波衫打欧冠杯决赛就真系几老利，资料显示，对上三次分别系88~89年VS布加勒斯特星、89~90年VS宾非加及93~94年VS巴塞，都系白衫上阵兼捧杯，今次亦都唔例外，真系唔到你唔信邪。 疯言三： 互射12码决胜果阵，有球波系祖记蒙迪路主射，结果俾嘀嗒救出。但系呢球波蒙迪路出脚前，嘀嗒已经违规移前佐一步，弊就弊在蒙迪路又唔得冷静，射失之后就只系抱头叹息，留意唔到嘀嗒郁佐，如果距走埋去球证度投诉，可能仲可以射过。 疯言四： 呢场波好多球迷都有个遗憾，就系睇唔到李华度落场献技，不过呢位巴西球星领取欧洲足协主席祖轩逊颁发冠军奖牌果阵，以至上台大合照跳舞庆祝，由头到尾都系笑到四万甘口，仲同恩沙基两个成为摄石人，系甘争企中间搏上镜，睇来无份决赛上阵，对李华度来讲都唔系好失望。 ---- 
|
|
[关闭][返回] |