|
发信人: cappuccino_lau(深海石斑) 整理人: gg510(2003-05-25 01:42:55), 站内信件 |
| 话说某年某月某日,本人及一班损友相约到天河公园过下手瘾.下午两点几,就在凉亭,三条友拉开阵势,两支三米六,一支两米七。三米六用三号主线、防扰脚线，六号漂，料系用非料加花生孵。
开头个零钟无乜惊喜，个个都系到九UP七喷，食烟吹水，偶尔起跳鹌鹑甘细既白鲫。由于听个老细讲，寻晚有个钓友在呢个位打佐个白鲫窝，应该今天会有D运行。果然，食食下烟，两支三米六开始发力，密密甘起，起水既全部都系三四两既白鲫，有几条仲半斤以上。反而个支两米七就发晒毛，得个睇字，搞到我地两条友仔九九四四，疾到支两米七要废武功甘际。 扑街啦！当一个人要发愤图强既时候，其潜能系无人能及既。话说我起下起下既时候，突然间觉得起到条大野，由于我支三米六系软杆，系到舞紧既时候，隔离支两米七惊搞到渠道，就顺手起杆避开下，点知！就甘一起，你老咪啊！就俾条友起到条鱼，睇阵势仲大过我个条。果然，大家起水后一睇，我个条系斤二三两既红非，条友系过两斤既大非，真系无阴功罗！食屎都可以食着豆既，死未？！ 都仲未够颠，临到收杆既时候，食屎食着豆一幕再度重演。支两米七睇漂已经系空漂，料已经化晒，条友仔顺手起杆上料，点知一起！发觉有条鱼经已上钩，一D感觉都无，上水一睇！仲离谱，竟然系一条大头！哇！悟系挂，钓底可以钓到大头，真系第一次见罗！！ 结果最后点算，品种同重量都系支两米七赢晒（无天理！）。跟住成班友仔吹晒鸡，浩浩荡荡杀过明记，白鲫豆腐芫茜汤、清蒸大非、口者口者大头鱼，擦餐劲既！事后，大家担住牙签吹水既时候，倾起条大头，个个都唔明，点起嘎？ 我都唔明！！ ----  |
|
[关闭][返回] |