发信人: elinlin-gz(天空一片蔚蓝)
整理人: erinfang(2003-07-09 14:44:02), 站内信件
|
呢只东东系上次团购嘅时候买噶，应该都有几多MM用过架啦，但系除左话拒笠之外都无咩其他嘅评价。我啱啱攞到个晚就当爽肤水咁用，觉得就真系太杰，唔可以用作爽肤水。后尾见到如风话要个面仲系成面水未抺干时用，就试左一下，但系发觉D感觉都唔系太好，所以决定只用来做MASK。
做纸模嘅话因为D水够笠，所以做嘅时候觉得好贴，好够水份，过左10分钟起模，就觉得补水效果一般，我嘅皮肤极油，所以做起来都可以，摸落个面都几滑。
后尾试过一次响美容院做完FACIAL，因为我个面嘅黑头好劲，所以次次都挑都个面红卜卜，返到屋企就试下用拒做个MASK，做完后个面明显消左红肿。之后第二个星期干脆带左支水去美容院，叫美容师响挑完黑头，敷完消炎水之后再敷呢只水，做完FACIAL后即刻照镜，发觉真系比以前嘅效果好好多，个面只系有少少红，但唔认真睇都唔多觉。所以，呢只水应该系有几好嘅消炎镇静效果。
前晚响屋企得闲，又用只水来开珍珠粉做面膜，我净系洗左个面，无去死皮挑黑头（因为比较懒），就直接敷面，二十分钟后起模，就觉得个面真系白左，同埋D毛孔明显收细左，比用蛋清开嘅效果要好。应该讲，只水呢两只用法嘅效果系最理想噶。
我目前仲未谂到其他嘅用法，但就试用效果，都觉得呢只水都买得过噶，又平又大支（我买左支500ML架），不过就一定唔可以做爽肤水！
|
|