发信人: yomato(破猪)
整理人: airken(2003-04-18 20:02:40), 站内信件
|
首推爱华顿, 其次系纽卡素。
不排除因为有中国球员李铁，所以首推爱华顿。
今季既爱华顿由上季既保组热门，今季可以打到目前既成绩，变化都真系几大下。总体感觉，哩支爱华顿整体作风以硬朗为主，防守力几好，球员作风顽强。
锋线： 洛尼、金宝、拉申斯基，高快组合效率都几高，而且哩三个人都几注意前场抢逼，可以伲补整支球队技术不足既缺点。洛尼可以话系爱华顿今季最大既发现，乃至英格兰未来锋线既一个重要人物。
中场： 彭比治、加维臣、李铁、屈臣。个个都系硬朗型球员，个个都系跑不死既硬汉。李铁既技术同埋防守能力都有大幅度提高，哩点黎讲就应该为爱华顿加分，渠对中国球员既进步作出左好大既贡献。爱华顿既中场虽然话组织力不太强，但系渠舍得出体力去抢，就地发动二次进攻既机会都几多，能够以勤补拙。
后防： 安斯和夫、史杜比斯、华亚、*（唔记得左添）。哩个系一条几稳既防线，搞到李伟锋都要打包回府。个人认为李既作法太过冲动，其实下季渠既机会应该会大好多，因为两个中坚都老左，李始终会有出头既一日啊。爱华顿既后防同样系稳健同硬朗型。
分析完爱华顿各条线既实力，可以睇出，莫耶斯既能耐有多大，根据俱乐部现状同埋人力资源，可以组合出一支作风几明显既球队，而且可以带出如此好既成绩，真系令人对爱华顿刮目相看。而且莫耶斯虚心学习，年轻系渠最大既本钱。渠开始注重球队年轻球员既培养，假以时日，爱华顿应该会得到良性循环。
我推爱华顿既原因系根据球员既搭配，目前既成绩，主教练既思路，同埋球队未来既希望。同样纽卡素既进步同爱华顿都好相似，但系由于罗布森教练上两季就已经开始发展，现在可以说接近收获季节，新人奖应该留俾真正既新人挂。
【 在 mathis1222 的大作中提到：】
:请大家详细说明自己的观点，如果观点明确，加M奖励
:......
|
|