|
发信人: gamba(パフィdeルンパ) 整理人: txstang(2003-04-07 10:43:43), 站内信件 |
| 期待已久嘅11号终于带来,一放学马上走去地铁站,兼攞定两千银.虽然自己够买三千蚊门票,不过钱都仲系预多D好嘅,咪到时候钱都唔钱吓嗰阵就闭啦.
从代代木到六本木只不过三个站,却要百七円,净搭得三嗰站认真贵洲.呢条大江户线真系好使得来贵.为咗赶时间就梗要座啦.带住抱怨与无奈嘅心情,到站了, 久违嘅六本木呀,好几个月冇来啦,虽然天气都系冻到飞起,D风吹埋来认真寒风刺骨,六本木交叉点都仲系咁一片"繁荣景象".拉客嘅鬼佬用D法兰西风呀,西班牙风呀,欧罗巴风呀,乜风乜风嘅日文系到热情地推介,奈唔中仲整句"煲东瓜"添,六本木认真系多国文化共存啦. 虽然六本木系几熟下,不过六本木morph系边到都系要问下啊SIR嘅."ampm楼下呀"啊SIR答曰,哦,原来就系刚才见到排紧队嗰到呀,睇来条队好贵长下哦,嗯,为咗睇LIVE,梗系要去排啦.就咁系气温只有四度嘅六本木街头上,迎着系条巷到窜过来覆覆声刺骨嘅寒风跟住前面对拖友排队.. 越排越唔对路哦,郁都唔郁嘅?问问前面位靓女为何呀,"五点半先卖票,等阵先啦",我亦只好等下等.等到五点九了,仲系无反映呀,,又问问前面靓女,"我条仔去咗买前卖票啦,"哦,,乜已经卖嘎啦,,,好彩我有预订到飞啫,,睇住前面对拖友攞住张飞走咗去,我都唔笨啦,走落地牢,睇见门系关住,冇锁,开咗之后见到一位靓女系到卖票.立刻上前告之预订号码.搞咗咁耐,吃咗咁耐西北风,张飞终于到手. "等阵啦,仲有十五分钟就开场嘎啦"靓女提示咗一下我,我冇为意,走去对面M记(此M记并非麦当劳)吃咗嗰包,饮杯热咖啡,以补充翻我同寒风对抗而失去嘅体力.随便及及对面几兜咁冻天时仲着短裙嘅女子高生们.好,吃饱喝足时间又沓正六点,系时候入场. 哇,乜又要排呀,,仲排最尾添,为何呀,,,,原来要排对入场,都几烦,早知道之前听靓女话等十五分钟就冇事啦.风继续吹,我继续排. 吃足二十分钟风之后.终于到我入场.嗯?乜个个都俾六旧水嘅,,,哦,原来张飞到写住饮品外加六旧,哎,好彩之前攞多钱啫. 落到地牢,会场立刻呈现眼前,唔算好大,百零人嘅场,但气氛搞得唔错,做LIVE场,D场都掂,当然FING头就绝对正点啦(讲吓啫).开场前嘅音乐唔错,比较RAVE,而且节拍较快,加上陪得唔错嘅灯光,舞台上中有个带马头面具嘅人座系到,我就唔知道乜意思了,嗯,系日本睇呢D普通LIVE都咁正,以后有机会要多D来. 睇吓六旧水有乜饮先,哇.,乜得soft dring嘎咋,六本木呢D地头认真名不虚传,贵到瞓地呀,只好选样比较正点嘅红酒了. 拎住杯红酒,真正入场揾位.因为迟咗D,最能够同OLIVIA接近嘅位都冇晒啦,只能走都中间.因为全部都系企位,所以企都要企好D. .企正中间都唔错,一眼蜡晒全场靓女,日本靓女真系多,有OL,有学生妹,真系青春可人啦,睇来佢地都系中意ROCK嘎啦.打量吓旁边位靓女先,虽然矮我成个头,米五到啦,不过样子认真讨人,而且睇来"级"数都唔低哦. 正系我认真打量靓女之际,有人问咗一句"一个人来睇LIVE呀",哦,原来系肥仔一名,"系呀,我好中意OLIVIA嘎,大FANS呀","哦,边到人仕呀?","中国来嘎,多多指教"..............(未熟日语对话中) 得知呢位三十出头大兄大名城崎,亦系因为对OLIVAI嘅独特音乐感兴趣,呢次放工特意来睇,亦同我一样第一次睇olivia嘅LIVE. 讲得几句之后,再加上饮完咗杯红酒带少少酒精上头,LIVE正式开始了. 咦,乜五个都系男嘅?OLIVIA去咗边到呀??捻下捻下之际,系强劲嘅鼓声与电吉声下,LIVE真正拉开帷幕.而主唱居然系条鬼佬,,水平都过得下去,虽然全部都系鸡肠,唔识,不过鼓同BASS都好正,三首歌好快就唱完.条鬼佬饮咗几啖十六茶,开始讲嘢了,"今晚OLIVIA请我地来打咗个头阵,我地叫做"FADE"多多指教............"鬼佬原来都识日文,认真犀利哦,水平仲掂过我呀.原来打头阵,不过都好,当热下身咯.正当鬼佬主音系到MC之际,吉他同BASS手都系到调音,认真配合默契哦,之后连带唱多两首歌,咁样又过咗半嗰钟.FADE结束表演,又回复到入场前状态.灯光迷幻配合慢节拍音乐.不过呢次仲系舞台前落咗布帘.工作人员们系到做准备工作 等咗二十分钟左右,布帘向上升,各单位就位.随着<solarhalfbreed>嘅鼓声响起,LIVE再次拉开帷幕.我期待已久嘅OLIVIA终于登场.讲咗咁耐戏玉衣家先来. OLIVIA今晚好鬼Q,而且人比我想象中嘅要矮得多,认真细小.着住白色厘丝吊带裙,札起咗黑色嘅头发,咁Q嘅造型加上标志式嘅样貌,哦,我的爱人.旁边仲有一个玩具兔公仔,白色,好鬼KWAII哦,,,, 第二首不知名曲与<walk on by>里面嘅吉他表现出色,节奏感强烈,跟住我逐渐进入状态,放弃用身体与脚打拍子了,双脚开始离地跳起来了.<walk on by>LIVE版绝对比听CD大大不同,首先就编曲唔同咗,CD里面嘅版本比较软,LIVE版较硬,非常配合气氛,从而带动我地呢班FANS们,使我地再次投入到今晚呢场LIVE当中去. 三首歌唱完,OLIVIA开始同大家打招呼,为大家介绍成员,最受我注意嘅系佢老表Jeffrey.作为第二电吉,系抓住支七弦电吉,(我冇睇错嘅话).因为<walk on by>大碟里面嘅七弦电吉就系佢弹嘎啦.Jeffrey系名鬼佬,属于几有型嗰类,装扮普通,应该系实而不华嗰类呱. MC完毕,<dress me up>嘅音乐响起,LIVE现场真正地进入兴奋状态.而我亦越跳越快,双手开始不亭地舞动.我真系兴奋到心跳超过百二,"Don't Dress me up I'm already dressed Do you like my shoes?"我都唱埋一份.OLIVIA嘅声线非常好,差不多每首歌都系高KEY状态,唔单冇走音,而且比我对848出来嘅效果好得多,可能系现场环境较细,震撼性一流.佢嘅威力可见一班.然后到唱<into the stars>大家更加投入,站系最前面嘅最投入,差不多从第一首歌开始跳到衣家,OLIVIA亦开始同最前面嘅FANS手拍手,,,,,,哎,,本来我都可以,,点点佢只手嘎,,,,,哎哟,失败.<into the stars>亦与细碟版唔同,变得更加强劲,快速,而跟住嘅<sea me>使大片人群越跳越快,进入前所未有嘅高潮,,,,,不过我右边嗰班人居然郁都唔郁,连OLIVIA打埋手势都冇反映,,哎,我见到都伤心,可能佢地系第一接触OLIVIA呱,定系第一次来睇LIVE呀,虽然呢班人男嘅着都成个沙拉利民咁,女嘅就成嗰时尚OL咁款,系都俾下面啦,做下手势都好呀.而<sea me>我越听越投入,加上呢次呢嗰现场演绎,使我越来越中意呢首歌,睇来睇LIVE嘅感觉同系屋企听CD相差远了,,,,,最好嘅就系攰攰地嘅话挨系旁边靓女到都掂哦,,,,唔系讲笑呀,连续跳咁多下,仲要系列100BPM以上,都咪话唔攰呀,系唱咗几首我未听过嘅歌之时,顺便回回气先,哎,自己都觉得自己老了,而最前面班靓仔仲系到兴奋中,,(我真系顶唔顺,有少少老抽嘅感觉). 而全场最投入嘅系一首我同身边肥仔都未听过嘅歌,开头好怪,系唱"蒸高彪,蒸高彪"嘎哦,,,不过一嗰转折节奏亦越变越快.总体感觉良好,如果有呢张CD,我一定买,(呢句绝对废话,出亲CD都买嘎啦),因为呢首歌系呢场LIVE嘅代表作.再来一首<grapefruit tea>之后,个人都翻返后台了. 前面班FANS又系到叫"repeart"啦,而且仲系按节拍来叫,我冇咁好气了,帮手拍拍手打拍子算了.慢慢全场亦大叫喊"repeart". 过咗五分钟,佢地又出翻来了.睇来掂哦,仲有得听.OLIVIA系到问D人唱乜好,个个都叫唱<sea me>.我理得你唱乜呀,我都听嘎啦.最后OLIVIA同第一吉他手商量再唱一次嗰首我唔知乜名嘅歌.再听第二次,觉得唔错,越来越吸引我了,我真系好想知道叫乜名.跟住强劲嘅扫弦声与我最喜爱嘅BASS声,攰到快要抽筋嘅脚始终都停唔低,继续跳,继续兴奋. 唱完之后,LIVE真正结束,好多人都唔愿走,饮嘢嘅饮嘢,吹水嘅吹水,最搞笑嗰几位最落力嘅系到大哎痛,因为咩呀,因为抽筋咯,贵叫你咁落力咩,衣家知痛未,好彩自己留力啫,唔系掂翻屋企呀,唔好仲以为自己住系三丁目,爬都爬得返去先得嘎. 最后都系同新相识肥仔饮咗多杯贵价饮品,然后去外面吃嗰汉堡包,吹吹水,返家还,,,,,,,,,,,,,,,,, 最可怜身上之后唔到一百円,只好去七仔咁钱,唔系唔通六本木过夜咩.(讨厌嘅银 行手数料,,又唔见105円) 总结一句,OLIVIA真系以一个十分之Q嘅小小身躯,缺爆发出惊人嘅爆炸力.遗憾一句,全部英文歌词. 我支持你,,,,, ----  |
|
[关闭][返回] |