发信人: air11(星云※GDVNET)
整理人: air11(2003-04-04 11:31:50), 站内信件
|
发表于: 2003-03-11 18:46:03
--------------------------------------------------------------------------------
从化流溪河国家森林公园－－南门县南昆山国家森林公园自驾车之旅，车版嘅网友们行程达三百几公里，算是自驾摩托车嘅一个唔短嘅长途旅行；我将自己得出的小小经验加上一啲资料给大家分享，有什么不足嘅地方大家吡意见互相分享。
一、人要作嘅准备：
1、长途旅行要安排在天气好嘅时候，最好是没雨落嘅天气。事前要安排好路线及休息时间。尽量唔好一部车上路，几辆车上路大家互相有得关照。如有维修常识和旅行经验嘅车友同行就最好。
2、要着一些有防护作用嘅衫如皮衣或者牛仔衫之类，开车嘅时间长的话要适当着多件，鞋要高帮嘅好啲，手套是要预备正就没错了。
3、准备好备换嘅衣服，要带多一块防水嘅胶纸或者防雨布，雨衣是肯定要嘅啦，为防不时之需要带一啲止血贴。
4、如果去唔是好熟嘅地方最好带埋地图，摩托车嘅证件要带齐。
二、对车辆嘅要求：
1、二冲车在100mL，四冲车在125mL以上都可以顺利咁跑完全程。出行前最好换左机油先，因为跟住嘅路程是要求车辆高速度高转速。
2、车型最好就太子车（高座），平时嘅民用车都可以；不过踏板车即女装车就尽量唔好上路了，因为女装车避震行程短，长途机头嘅散热唔好。
3、平时多问题嘅车，就最好先修好，如有大修过嘅车就最好先不要上路了。
4、为防止车辆嘅突发事故要为车准备一啲应急件：工具，铁丝，胶布，电筒，环氧胶，大大小小嘅螺丝；一啲易损件，如火咀，点火器油管等。如果是车链外露嘅车要带多一瓶废机油，用作不时嘅润链之用。
6、行李多嘅就最好绑在车上唔好背住，点讲都是跑长途，背久了都会累。
三、路上嘅注意事项：
1、头车要是经验丰富识路嘅带头，尾车同样要求经验丰富。
2、车队尽量唔好挤在一起，车与车之间唔好太近，因为是高速嘅时候反应未免会反应慢啲；车与车之间都唔好太远，车距远了互相之间关照唔到。
3、行驾中难免会累，中途要多休息；如果唔是到左目的地都没精神玩了。休息时尽量放车放在空地，在公路边休息嘅话要将啲车停在路边。
4、每到左休息嘅时候要检查一吓车辆，包括发动机温度、轮胎状况、电路（如灯光）、二冲车嘅然烧油、汽油量等。
5、如是到左晚上行车最好着了危险灯或者右转灯方便大家互相认记。
愿驾车旅行的经历给每一位尝试它的骑手，留下无限美好的回忆。
如有其它经验欢迎大家写下来大家分享。
|
|