发信人: gamesage(熊仔)
整理人: g_w_g(2003-03-17 20:43:51), 站内信件
|
经过短时间嘅修整之后啡版嘅各位红人再次组织咗版聚，今次又系U马，不过由于今日我哋冇咁张扬，所以追星嘅群众都少咗。当我饥肠辘辘赶到去嘅时候，无臭YO澜蛋已经坐咗系度，唔好意思，E期兴咁样叫人，有唔明白嘅请向蛋蛋请教。
坐落例牌寒暄一番，经过上次嘅聚会，大家都熟落咗好多，所以个个都口没遮拦，肆无忌惮，嘈冤巴闭，感到同室嘅其他客人怨声载道，此处放下不表。
话说我未嚟到之前，原来无心有艳遇、有艳遇啊～～～佢居然同个女人一齐去WC，简直讲你都唔信啊！由于在下还要保住小命养活妻儿，所以欲知详情请想当事人询问，询问之前请做足防暴工作。
倾谈不久之后啡版人马陆续到达，阿子、米米、Chris都杀到上嚟，同时生意和股票失败嘅樽少亦托住疲惫嘅身躯艰难咁行咗入嚟，版主即系版主，咁颓废都依然参加我哋啡版嘅聚会，真系难得难得；而更难得嘅系当我哋都掏出散纸嚟支助樽少嘅时候，樽少竟然一口拒绝，E种风吹鸡蛋壳、财散人安乐嘅精神真系值得我哋学习。
皇上永远系最迟到果个，不过皇上要处理咁多军机大事都赶嚟，真系令我哋为之感动。Chris仍然系一贯嘅少言，除咗皇上同YOYO之外基本上个个都唔知道佢有讲嘢，问你死未。另外，由于蛋蛋最近嘅表现突出，所以被皇上封为蛋宫女，可喜可贺。
会上除咗阿子逐个得罪晒全部人之外，其实我哋都冇倾到乜嘢，所以阿子为咗赔偿我哋嘅损失承诺下次版聚负责全部费用。
版聚就系咁融洽嘅气氛中结束，相信下次嘅版聚一定会更多人会参与〔奸笑〕。
----
记忆因分手而美丽，情歌因熊仔而动听 |
|