发信人: gamesage(熊仔)
整理人: g_w_g(2003-03-17 20:43:51), 站内信件
|
首先，请允许我代表大家向大家对这次聚会的鼎力支持表示由衷嘅感谢。
今次聚会由一餐非常美味嘅晚餐开始，讲到E餐晚餐就真系犀利喇！大家都公认D嘢真系史冇前例咁好食，个个都赞不绝口，食到唔肯走。
但系大家都好顾全大局，虽然好唔舍得，但系都自觉离开果间咁正嘅餐厅，依时赶往U马，入到去，可能系知道有网易啡版名人莅临嘅缘故，大厅一早已经爆满，个个都想一睹我哋嘅风采，无奈之下唯有杀入厢房。
坐落寒暄一番之后，我哋嘅版主樽少驾临，大家开始正式介绍自己，其中夜观澜受到非一般待遇，由于众所周知嘅原因此处省略……
倾谈间，发觉大家对咖啡真系见解独到，而且风格迥异。由于美丽而热情嘅服务员姑娘实在太忙〔原因前文已经交待〕我哋仲未开始点咖啡，所以研究起咖啡音乐，婉约动听嘅蔡琴之后系极具创新同埋富有本土特色嘅广东音乐登场，令我哋完全感受到系另类嘅音乐氛围之下品尝咖啡果种超然嘅享受……zzzZZZ
今次嘅聚会除咗能令大家有更好嘅交流之外仲有更深一层嘅意义，就系为樽少稳翻失散多年嘅大佬——米米，二人重逢抱头痛哭，场面令人感动。
我哋咖啡版一向都好注重新人嘅加入，今日好开心系本版较少露面嘅Chris同志亦能参与聚会。见到我哋各位名人多少有D紧张，Chris同志仍能畅所欲言，不过到最后仍被口水多过茶嘅蛋蛋指为怕丑，以后希望Chris同志能尽量多D发言，口水程度及得上蛋蛋嘅一半就够喇。
聚会上一位重量级人马太阳神即系皇上亦有出席，虽然皇上应酬繁多但系都抽空过嚟睇吓我哋班二打六，真系令我哋有D受宠若惊。
聚会系欢乐嘅气氛中走到尾声，大家都依依惜别。通过今次嘅聚会我哋认真咁贯彻咗啡版嘅指导思想〔具体我都唔知〕同埋方针路线〔E个更加唔知〕，令到啡版精神得以发扬，其历史意义深远，简直就系我哋啡版成长历程嘅一个里程碑！多谢晒！多谢晒大家捧场～～～
----
记忆因分手而美丽，情歌因熊仔而动听 |
|