发信人: arg-jordan(靓妹唔系小魔怪)
整理人: plcool(2003-07-24 14:09:32), 站内信件
|
(续一）
讲到底，大前锋尼个位需要联系内外线，所以要既可以背篮强攻，又可以拉出外线，先至有资格称得上成为球队中流砥柱嘅顶级大前锋（此处单讨论技术因素，心理素质、领导能力等暂不考虑）。尼方面麦希路就系白人大前锋嘅杰出代表，而黑人球员里面就大把啦：马龙、韦伯、邓肯、加烈治、华莱士...（讲到尼到，忽然间谂起，旧年季后赛湖人对国王个series，韦伯都俾好多人批评话佢外线跳投太多）
相比而言，而家D国际球员里面嘅一批白人大前锋（比如灰熊嘅加素、牛仔嘅卢域斯基、超音速嘅拉文卢域治），中远程投篮准唔单止，仲时不时打下背篮攻，有时甚至飞身铲篮入樽，有少少麦希路当年嘅风采，可能系因为佢地系本国内都系打中锋位，掌握中锋技术嘅缘故。
当然，NBA里面仲有另一种类型嘅白人大前锋，主要特点就系靠身体打硬净波，比如网队以前嘅菲克、而家嘅艾朗威廉士、勇士嘅梅菲等等，佢地嘅打法实用性确实系强，但就始终难以摆脱“苦力球员”嘅身份，亦难以成为球迷关注嘅焦点。
----
所有作品均为原创, 版权归个人所有 |
|