发信人: arg-jordan(靓妹唔系小魔怪)
整理人: plcool(2003-07-24 14:09:32), 站内信件
|
长期受伤嘅太阳队大前锋古利奥达（Tom Gugliotta） 近期复出，但系表现已无复当年之勇，考虑到佢年纪已经唔细，可以认为，尼个入选过梦之五队，当年与加烈治、马贝利并称明尼苏达三狼嘅曾经嘅顶级白人球员已经完全成为NBA里面嘅二流鸡肋。
同古利奥达情况相仿嘅仲有巫师队嘅历拿（Christian Laettner ）。对于好多人黎讲，可能历拿嘅名声比古利奥达大得多，因为作为杜克大学历史上最佳球员（以后再有格兰希尔）嘅历拿，有幸成为梦一队里面唯一一个大学生球员（大家不妨回忆一下梦一队嘅人员组成，就可以明白能够挤身其中意味住几大嘅荣耀）。而系历拿进入NBA嘅头六七年，亦确实可以称得上一流大前锋。 俱往矣，而家嘅历拿，亦只不过系鸡肋一员。
NBA里面能够青史留名嘅白人球员本来就唔多，仲要大部分系外线球员，内线球员数埋就只有麦根、禾顿、林比亚、麦希路、高云斯几个，其中真正打大前锋位嘅就少而又少，而近十几年就更加数唔出一个称得上顶级嘅白人大前锋。我觉得原因主要在于佢地自身嘅打法同技术特点。
以古利奥达同历拿为例，身体条件同技术都无得弹，之所以始终不能成为顶级球员，除左自身伤患困扰之外，主要问题在于太过强调扬技术之长避身体之短，进攻时拉得太出，九成以上嘅得分就系靠面对篮框嘅中投，手势固然系好，命中率亦确实系高，但未必就系球队希望从一个大前锋身上得到嘅野，所以虽然佢地得分唔少，但仍然难免俾人批评打得太软。而家费城嘅云汉就好似行紧尼条路，佢同古利奥达、历拿嘅身体条件相似（6尺10-11寸，250磅左右），进攻方式亦都好似（不过云汉射程仲远D)，类比之下，令人担心云汉嘅发展前途。
（待续）
----
所有作品均为原创, 版权归个人所有 |
|