|
发信人: hjrnet(西关荣少) 整理人: yong1015(2003-02-24 11:17:42), 站内信件 |
| 市面上带上译厂经典配音嘅影片之简单汇总
一直以来，我地睇外国电影都係只想听原声，唔中意配音，但係呢段时间，呢个情况终于有咗例外，我地终于少有咁係为揾有国语配音来去揾一啲碟喇～～～呢啲配音电影令到一大批生于70年代嘅人得以重温少年时嘅美好回忆…… 而家我就简单汇总一下呢几套经典嘅配音电影DVD： 一，虎口脱险（117分钟） 多家D商都做咗呢套电影嘅DVD喇，但并唔係全部嘅碟都带经典国语配音，只有金峰、金鼎、全美嘅D5，金球、全美、金鼎嘅D9先至做咗国语配音，其中，金鼎D5係双D5装，全美D9係D9+D5装。金鼎嘅D9国语配音有轻微不同步。而飞龙单D5同碟宝嘅双D5都係冇国语配音嘅，几乎冇购买意义。所有版本都係D自法国2区版，下面係我响不完全手册有关碟报中介绍嘅同我自己所买到嘅汇总比较： 全美D9+D5 全美D5 金球D9 金鼎D9 金鼎2D5 碟宝2D5 飞龙D5 DECSS ★ ☆ ★ ★ ★ ★ ☆ 经典国语 ★ ★ ★ ★ ★ ☆ ☆ 花絮 ★ ☆ ☆ ☆ ☆ ☆ ☆ D5最佳版 －－ ★ －－ －－ －－ －－ －－ D9最佳版 －－ －－ ★ －－ －－ －－ －－ 二，国王与小鸟（77分钟） 目前市面所见嘅版本就只有金峰同金驼嘅D5，网上有朋友话金峰嘅好啲，我就冇比较过喇。我买嘅係金峰嘅版本。呢两个版本都都係4：3屏幕比例，都係D自日本2区版。由于影片本身时间比较短，所以呢两个版都冇ysys，但都唔带花絮，只係有日文文字嘅作者、编剧、编曲简介（冇意义）。 三，佐罗（广州市面未见有得卖） 经典作品！目前只有双龙出咗D5，又係D自日本2区版，原版係D9，据说双龙冇做ysys，只係将原版D9有嘅静态花絮同其他版本嘅预告片等内容删除咗，以及只保留中、日两种文字字幕，以及英语、国语配音。不过我个人希望能够有D9版嘅出现…… 四，老枪（广州市面未见有得卖） 呢部电影我未睇过。又係只有双龙除咗D5版（遗憾ing）。D自德国2区版，网上碟报称画面比例为4：3，画质唔好，希望早日响广州能够见到呢张碟卖啦。 后记：用咗96分钟，我先写完呢篇汇总碟报。全靠“不完全手册”，我先完成到。其实，我自己仲好希望有以下嘅经典配音电影DVD问世：《尼罗河上的惨案》，《叶塞尼亚》，《英俊少年》，《鳄鱼邓迪》，《出水芙蓉》。其中，我有前两套电影嘅经典配音版VCD（都係三碟装），后三套就仲未有。 乜嘢叫经典电影？－－－能够影响一代人成长嘅电影就係经典电影喇！ 影片经典，上译厂嘅配音就更经典！！ （以上呢两句係一啲网友对上译厂经典配音电影嘅评价，我译成广州话版^_^） ----  
隔咗咁耐，我又返来喇～～～ |
|
[关闭][返回] |