|
发信人: qdanger(蛋白质女孩) 整理人: g_w_g(2003-03-17 20:42:08), 站内信件 |
| ten cafe，係培正中学隔离果条路。
装修比较豪华，空间好大，好多沙发，睇落似为多人聚会而设，反而少人座位唔多，而且位置都相当麻麻。。。 色调比较凌乱，但係感觉係以奢华嘅金色为主，只有一层一楼。对其装修不甚欣赏，因为实在是奢侈得来好乱，冇主调。 仲有，cafe入边有tv同pc，我都係第一次见（或者係我老土，但系我觉得呢两样野好破坏气氛）。 我同朋友入去之后，冇乜人，于是周围走，念住睇真D。可能咁样令到waitress以为我地係从乡下出来嘅，未见过世面。 第一时间入厕所，因为自我认为厕所文化係对一间与餐饮有关嘅铺比较重要嘅评价条件之一。厕所同kevin's咁上下大，亦係男女混用。但係由于四面都係境，显得空间大左好多。冇异味，所用嘅装修同用品都係贵野。係极尽奢华，但係冇文化可言。 然后就係睇menu。真係不敢恭维，似西餐牌，而且冇乜coffee，只有一版，其他几版都係酒，令我觉得呢度都係似bar多D。因为第一面打头竟然係介绍法国酒，如果我无记错嘅话。 价位：1.蒸馏水20/支（係了，果度唔免费提供水）；2.blue mountain 78/杯（最贵嘅咖啡）；3.最平expresso single好似30；其他都係酒，从39 per到98 per不等。 竟然冇摩卡，唉。。。。。 最顶唔顺嘅係waitress嘅态度，叫佢行过来点野。朋友（男性）好少饮咖啡，介绍佢latte，我同我好朋友（mm）饮一杯爱尔兰。点知我岩岩先至开声话要杯latte，果个waitress竟然打断我讲野，话“拿铁同一杯cappucino”。 我心念“你当我真係第一次饮咖啡咩？”于是用“极之温柔”嘅声音讲：“我都未讲完，你听我讲埋先唔得咩？我唔係要cappucino，我係要爱尔兰咖啡。”佢嘅面色都唔方好，不过灯光暗，睇唔清。 总体来讲，唔係好钟意。觉得似酒吧多D，而且再豪华嘅装修，配咁样态度嘅服务员，实在係。。。。。 ten cafe比我嘅印象係一个比人soshow嘅high class bar，而唔係比人放松体验生活嘅coffee shop。。。。 ---- 姓名：蛋蛋 年龄：保密 性别：你知道的啊 家庭住址：被人遗忘的角落 属性：角落斑竹 蛋蛋有礼了。。。 
|
|
[关闭][返回] |