|
发信人: xxing33(飞星@小梗) 整理人: kados(2003-02-08 18:13:13), 站内信件 |
| 好耐冇发贴，揾d野讲下啦～
宜家市面上实在太多新机啦，甚至国产彩屏都唔少。但彩屏手机都未普及且彩信实在太贵啦，负担不起啊！睇过咁多彩屏手机，都冇边一部有6688嘅mmc卡功能，对于西门子新出嘅S57就更加失望了。真係好似楼下唔知边位讲过，用开有mmc卡手机嘅同志就更加离唔开mmc啦～～所以我现阶段都会继续爱护我部52版6688！！^_^ 差唔多两年前我开始用6688，果阵就贪佢有歌仔听，而且话晒都差唔多四千银，女仔用真係几型嘎！哈哈哈！对于其他野我就冇咩具体认识，但玩开就觉得原来都有好多学问。那个时候，我摸着来到网易西门子版，这里我学左好多野，又可以交流好多野（卖下广告先）…… 6688除左mp3之外，仲有： 1.长时间录音，等同市面录音笔，效果唔错添！ 2.自己买读卡器，mmc卡可作为移动硬盘。 3.睇电子书。 4.短信可以存好多条，只要放入档案就可以了。 5.可以换待机、开机、等待画面，铃声同短信声都可以自编或者下载，甚至将下载落嚟嘅铃声缩短再加快拍子变短讯声！ ……（边个想到其他继续加） 我唔满足com口嘅传输速度，于是我买左读卡器，同时买埋64Mmmc扩充我嘅手机内存，mp3仲要压缩埋再放入去听（大家都讨论过嘎喇，呵呵）～～ 一年保修期过左，我终于忍唔住自己升级52版，当时感觉真係好似进入左一个新时代咁啊！！ 升级之后变为49版以上功能仲多，多左java 1.加左移动英汉通，随时查英文单词。 2.增加大量游戏：俄罗斯方块、扫雷、泡泡龙、牌类、射点球、CS、弹珠机……实在好多，我都玩唔晒！ 3.有三星粉盒嘅女性专用功能。 4.多左屏保（个人认为用途唔大），其中时钟嘅显示都有好多种。 ……（仲有好多我down左唔识得用，大家补充啦） 我前段时间仲买左一款6688专用嘅FM耳机，可以有原装耳机嘅所有功能，再增加收听FM。而且线控可以调大细声和两种音质。另外仲有转换插头，相信好多用6688的同志都好想将手机连接音箱而一直苦无办法吧！哈哈，我就有果个转换插头啦～～ 一口气讲左咁多，都係想话比大家知6688好咋嘛！所以我都暂时唔会换手机咯～～ 当然，西门子手机都有d通病未解决到，好似电池、睇短信速度、彩屏…… 除非有部机好得过佢啦！否则我会继续玩尽我部手机嘎！哈哈———— ---- 
 我部6688啊！！
      
 升级52版之后个样  |
|
[关闭][返回] |