发信人: kenchen9394(健仔#广东有线#)
整理人: air11(2003-04-04 11:10:26), 站内信件
|
今晚大林同我讲咗句“车烂咗可以整过，人就唔可以” 几啱听
当我撞埋东濠涌石驳滑行嘅时候 系我之出娘胎已嚟最清醒嘅一刻
当我望到桥低嘅时候先识惊 跟住压低台车炒过去算了 最后人着地
嘅一刻打咗一个滚后企返起身 先发觉到自己只左脚膝头哥已经俾
部车训低嗰阵压住磨咗一野穿咗个窿 仲睇到啲肉 都系嗰句即刻问
自己是否清醒 最后冇事 大林同栋栋帮手扶起台车 一睇碎咗右边
后镜 猪头变咗少少形 右边啡呤最低螺丝位爆咗 喉花咗少少少少少少
左边边啡呤又花咗少少 档位杆断咗之外 人同车都冇咩事
哎 起身后觉得自己太卤莽了 真系好后悔
今晚多谢晒 大林帮我买药 栋栋帮我搞掂部车 星云同云婆帮我搽药包扎
ben.ro同浪人送我去医院同送埋我返HOME
咁样一炒自己觉得好Q对唔住自己条女同埋屋企人 当初系佢地反对我买车到
支持我买车 最后自己竟然如此卤莽搞成咁 算了 以后乖乖仔了 唔想在出
夜街了 等我好返我再请你地出嚟吃返餐午或晚饭啦~ 唔好意思咁多位
令你地受怕了 也对唔住我条女同埋屋企人 要佢地担惊受怕
对唔住了...........................
|
|