|
发信人: gamba(そのスピードで) 整理人: txstang(2002-09-10 13:40:49), 站内信件 |
| 好多碟揾唔到封面，抱歉。
椎名林擒 
《无罪偿还》 全碟歌曲都咁正，椎名成功嘅标记。虽然歌词奇怪令人费解，但好嘅音乐始终就系好嘅。 
《胜诉》 每首歌嘅风格各异，令我好难理解其独特嘅音乐理念，越来越觉得椎名深不可测。 
《绝顶集》 好难明白椎名点解要搞咁独特嘅包装，可能系要将只碟分开三个主题。绝对值得推荐嘅大碟。 
《罪与罚》 从椎名特有嘅声线开始成只歌，好容易使人留下深刻印象。 
《石膏》 我比较喜欢椎名嘅慢歌，所以呢首歌好中意。 
《本能》 99年最出位之作。除咗《本能》，其他c/w一样出色。 <img src= 《性的Healing》 PV集十分搞嘢，意念够抵死。 《性的Healing2》 延续之前嘅特点，总之就系正。 《御起立》 实验性质嘅组合配搭，好多都系无聊MC之类，不过后面嘅小型LIVE就系重点，认真正。 《live tour gekokujyu Xstasy》 一个制作严谨且意念特别嘅演唱会，好睇得很。 友板理惠 《un》 初认识友板就买只呢只碟，因为里面嘅歌十分好听，系一只放入记忆嘅大碟。 《紫色》 双CD大碟，因为系港版关系，头两只系VCD嘅PV。而当时并不知道椎名系边个，只知道有一个叫shinnarigo嘅作曲唔错。 宇多田光 
《First Love》 冇人会唔识呢只碟嘅。开始都唔知道乜叫R&B，听咗之后先知道世界上有种叫R&B嘅音乐系咁好嘅。而且开头好中意里面《Automatic》嘅混音版，实在正。 
《ADDICTED TO YOU》 开始唔知道有港版，贪得意买咗只日本版，到头来发觉冇乜分别。 
《Wait&See》 PV比只歌来得抢眼，而《Fly Me To The Moon》亦演绎得十分出色。 
《CAN YOU KEEP A SECRET》 一首唔错嘅单曲，开头买系因为首歌太红了，唔买唔得。 
《Distance》 我觉得除咗细碟歌之外，其他歌质量一般般，整体上来讲冇《First Love》好，不过实力没有减退，依然强劲。 
《BOHEMIAN SUMMER 2000》 唱LIVE得唔得就可以睇得出嗰歌手实力如何，宇多田光做咗一个非常好嘅示范。学椎名林擒把声嗰段好正，学得好似。 鬼速千寻 
《失眠》 凭住《月光》一曲名声大振，当然大碟歌一样咁好，歌曲多数用弦乐编曲，听完多数唔会失眠。 
《盔甲》 风格延续上一只大碟，虽然冇乜突破，歌仍旧系咁让人容易接受。 矢井田瞳 
《钻石》 初认识矢井田就听呢只碟，开始有人话佢学椎名把声，不过音乐意念上仍然系追唔上。 
《Candlize》 上一只大碟有靠椎名把声来赢得人气，不过从呢只碟开始就可以认真地了解矢井田了。算唔错嘅一只大碟，矢井田系有返咁上下。 黑梦 《1997 10.31 LIVE AT 新宿 LOFT》 要了解黑梦，最好都系去睇清春唱LIVE，如果我系现场就好了。 原声大碟 《Love Generation》 我最中意嘅一只原声大碟，日向大介做配乐做得好正，等人可以就听CD亦可以回想出戏剧里面嘅情节，可以将人返回98年。 《Long Vacation》 里面嘅歌仲好听好其他流行曲，简直就系正到痹。 Glay 
《pure soul》 初听Glay就系听呢只大碟，感觉唔错，虽然销量好高，不过我仍然觉得同期嘅LUNA SEA同彩虹嘅作品比佢地优胜。 
《HEAVY GAUGE》 Glay咁多只大碟听得最多就系呢只了，里面收录嘅细碟歌认真好听，而且又收录得多哦，可以一次过听晒几首。可惜就系只碟制作唔够严谨，其他歌系编曲方面做得一般，等人觉得好多歌都系一个个copy而已。 
《DRIVE》 双CD精选大碟，未听过佢地以前嘅歌就系一个最好嘅选择。双CD精选真系抵。 
《ONE LOVE》 从大碟睇Glay会随其他乐队慢慢衰落，如果佢地仲唔努力嘅话。歌曲感觉一般而已，冇乜突出表现。 
《未来日记》 做得唔错嘅原声大碟，好多都系旧歌嘅其他演绎版本，所以感觉几好。 
《SOUL LOVE》 我最中意Glay就系呢首歌，所以买只细碟都冇错。 
《不是这里，往那里去了》 曾经以呢首歌唱过K，可惜自我感觉一般（唱错Key:(）。 
《HAPPINESS》 十分抒情嘅作品，早知道唱呢只好过。 
《MERMAID》 我自己一般中意呢只歌，同以前嘅嗰类快歌冇乜分别。 
《SPECIAL THANKS》 呢类抒情歌曲系Glay嘅强项啦，加上‘未来日记’嘅效果，大卖系绝对嘅。 
《Missing you》 我好中意Glay呢类歌，如果佢地多D发展呢类歌就好了。 <img src=http://www.glay.co.jp/jp/disco/img/video/video_glay4.jpg 《Glay Vedio 4》 同彩虹嘅PV作比较嘅话仲差一DD，制作一般，但仍具有Glay本身嘅特色。 
《Glay expo'99 survival live in makuhari》 最另人感动嘅演唱会，二十万是并唔系一个普通嘅数字。 tonko 
《藤子》 以前相当喜欢小室，所以其弟子亦会引起我注意。tonko不但唱工好，而且弹琴了得，加上大碟系小室作监制，所以呢只碟我相当喜欢，值得推荐。 
《cure》 同上一只大碟感觉一样，如果喜欢tonko嘅话，呢只碟实在听得过。 
《tonhikon》 旋律十分吸引人，较出色嘅细碟作品。 
《HEARTS》 tonko最擅长嘅作品，仍然不俗。 
《WHO...》 钢琴弹得唔错，亦系抒情作品。 
《at ease》 旋律并不讨好，感觉一般。 
《FOR A LONG TIME》 感觉仍然一般，同以前嘅歌差远了。 
《PUZZLE》 逐渐衰落，从歌就可以听得出。 aiko 
《小小完全好日》 出道大碟，初回版系纸盒包装，感觉十分aiko feel。 
《樱花树之下》 aiko成名大碟，aiko能够将恋爱感觉写系歌到，写得唔错。 
《夏服》 沿袭一贯aiko嘅歌曲类别，活泼可爱嘅aiko从歌里就能体现出来。 
《哭虫》 十分好听嘅细碟歌，适合唱K用，aiko嘅名曲。 
《kabudomushi》 唱K热门歌，爱情感觉灌注歌中。 
《boyfriend》 歌曲感觉活泼有趣，睇埋PV更觉得aiko嘅可爱，十分正。 
《roji》 慢版抒情歌曲，越听越有味。 深田恭子 
《moon》 从制作人来睇就知道只碟嘅歌系几咁吸引，恭子呢只大碟认真唔错，越听越好。新一只大碟与其相比之下，差好远。 《最后之果实》 开始觉得恭子为何会去唱歌，不过听落又唔算太差。 
《easy rider》 好耐冇听佢嘅歌了，其实好一般。 Le Couple 
《温暖的诗句BEST》 此大碟系港版大碟，所以系冇日本版嘅，里面差不多收录晒Le Couple最动人嘅歌，亦系一张让人觉得可以留驻回忆嘅大碟。 
《on the SOFA》 原创大碟之一，里面收录嘅歌认真好听，虽然同港版BEST都有D歌相似，不过好歌始终就系好。 未来玲可 <img src= 《海与你的故事们》 亦系小室旗下唔错嘅徒弟，而大碟制作实在正，好适合玲可唱，衣家已经好少呢类歌听了。 八反安未果 《Autumn Breeze》 八反最好嘅大碟，之后嘅大碟与其相比差好远了，感觉唔错，因为监制系伊佚弘将。 SHAZNA 《Raspberry Time》 作为VR碟讲算唔错了，SHAZNA嘅风格贯彻整只大碟。 工藤静香 《doing》 买咗好耐嘅一只大碟，系海印减价嗰阵买嘅，当时觉得好抵，不过只碟就一般。 岚 《ARASHI NO.1》 小白面嘅歌一般好听而已。 KOKIA 《song bird》 KOKIA把声好正，配合埋优美嘅旋律认真掂，《arigatou》绝对正啦。 Kiss Destnation 
《AMARETTO》 转咗新公司之后改埋名了，但歌曲类型冇改，照样咁好听。 吉川日奈 《I'm pink》 除咗细碟歌《心型的眼泪》之外，其他都好一般。 |
|
[关闭][返回] |