发信人: sufandy(恋上钱的我￥)
整理人: to_rain(2002-08-29 02:30:27), 站内信件
|
八月二十三日，星期五，晚上九点多,天气:晴到多云,地点:GOLF
晚上和二个靓女吃完饭,无所事事,找不到地方蒲,经过一翻磋商,我地决定去GOLF及仔,出发前,其中一个靓女至电二个男仔约距地去GOLF。到佐GOLF，我地坐佐响SHOW BAR入面，仲要系靠近门口，方便及仔呀嘛，叫佐一打纹身果酒，谂住边饮边等，结果,我地左等右等,饮佐成半打几啦，等到十点几,其中一个才出现,仲要叫埋成咋女人黎,顶~~~我地梗系叫距坐过隔离台噶啦!后黎，另一个男的同埋二个男珊珊来迟，算啦，都好过唔黎呀！可惜，其中二个男的，样的问题和乡音问题先唔讲距啦，呢样野问题唔大，最大问题系，输佐唔肯饮酒，赖酒，又唔识玩，教距仲要懒醒噤，结果米又唔明！一杯未饮就要同你玩过第二枚，我梗系唔丢距啦！后黎，距地买佐一打百威，我地话算啦，我地仲有几支纹身，我地女仔饮纹身，你地男的饮果酒啦，结果距地好似以为距地蚀底佐噤，死都话要饮一齐饮百威！我米串返距地咯，我话你地只酒，酒精含度3.3%，我地果只就5%，你选择啦！距地先至死死地气饮百威！
就响教授我和二个靓女感到无聊绝望之际，呢个时候，一道神圣的光芒响教授眼前一亮！完黎系见到朋友呀，救星啦直头系！后黎我地几个慢慢噤过佐朋友果度玩，唔理果几个傻佬，不过距地都醒，坐佐一阵就话冇晒酒啦，下次玩过啦（我谂我地的第一次就系最后一次咯！）之后响朋友果边，叫佐三打太阳，点不知教授我唔知点解，当晚状态超好呀，劈极都好精神，后黎仲听闻KENNY大人距摇旗又GOLF啦，点不知至电比距，先知取消佐啦，仲话想及下有冇靓仔添！后黎我地去佐吃宵夜，跟住再饮佐小小纯生，返屋企训！
返到屋企，四点，阿妈去厕所，距见到我，循例噤闹我几句，结果我酒精上脑，鬼死噤兴奋，捉住阿妈倾计，阿妈几次想开我房门都因为我未讲完而开唔到！结果，四点倾到五点，阿妈终于话距好眼训，我先放人！
八月二十四日，星期六，晚上十点几，天气，和昨天一样，地点，也是一样！
朋友的朋友生日，又过佐去GOLF，一入到去，哗，吓得教授呀，里面人多到冇地方企的！阿教授我只好拿住灌百威，一边饮，一边等歌仔唱啦，闷佐半个几钟，教授正想回家训教之时，一通电话打来，原黎系有个靓女朋友响GOLF，叫我过去玩！好呀，我啦啦林飞过去，一坐底，就比距捉住玩789，有个阿叔，距傻噶，底酒噤多多，加酒加到满！结果饮佐成打几酒，三个人玩咋啵得！拿命呀真系！后黎个朋友电我，解救佐我，返过去间房度，点不知入到去，米又系劈~~~~~到佐点几钟，后黎一路玩玩玩~~~~到佐三点钟，我地想叫酒，结果原黎系到佐三点就唔比买噶啦，吊晒引！就噤，我地拉晒大队过去重金，再劈过！！！入到重金，叫佐二打酒！唔知几时，个个都劈到训底晒，训的训，着草的着草，有个还带埋条女去开房，紧要啦！哈哈！结果我一睇钟，劲咯，早上六点几啦！！！啦啦林返归训觉觉啦！
后果：皮肤差佐，眼袋大佐，仲要肿佐二日！！好唔得精神呀！ |
|