|
发信人: ambro(ＲｅｂｉｒｔＨ) 整理人: kennyleecon(2002-08-20 12:38:50), 站内信件 |
|
下边篇嘢系从我自己个角度去写，纯粹系我个人D感觉同睇法~~~希望由我开个头，大家都写下战记啦~ 呢个系呢度传统嚟噶！！！ 绝对系“实录”，流水帐形式…… -_-bbb 前奏：<摇旗；816吧版新旧蒲友大型聚会> 响屋企： 寻晚我本嚟打算提前到，如梦一直发短讯俾我，话会提前到，结果佢真系9点3就到了，话嗰时都未有人出现，嗰时我仲换紧3。之后如梦9点9发短讯俾我，话听好多人讲话我5去（其实我都想知道有边位仁兄话我5出现吖~），结果收到短讯嗰时依然我笑到咩咁…… 响taxi上： 发短讯问如梦嗰度咩环境，结果收到回复“和中国人口一样多”。哇……9点9咋，使5使啊…… -_- 不过我习惯迟到，如果约9点半去蒲，我通常10点半到11点先会出现……所以寻晚算比较奇迹…… 响golf门口： 见到好多人企响门口，不过D人个样好细啊，“哇，5系咁爆啊嘛~”，不过事实上，我后嚟听人讲，星期5下昼打电话已经系book5到位噶了…… 响大厅入边： 比较出奇，外边咁多人，但系其实当时入边人5系好多，可能因为先10点，仲早啦。不过个卡10就已经嚟咗好多人，当时就啱啱够坐！ 除咗卡10，卡座外边张台都系吧版D人。真系好开心好开心！因为见到小青草，亚亚，女鬼，托马斯，大姨妈。后嚟仲见到terry，opel同阿亮添！那，呢D就系吧版老海鲜啦！响旧年10月之后先出现响吧版嘅人都未必识得佢哋，而见过嘅更加少了！大半年未见过小青草、亚亚同女鬼跳舞咯，绝对喷血噶……好怀念啊…… 响卡10，见到好多人，当时坐咗13个人（我应该记忆冇错）。不过我识嘅只有冬冬两公婆、如梦同kenny！ -_- 仲要好过分，都5系路噶，竟然好多人知道我系神神，但系我就5知道你哋系边个！妖！我同D老海鲜聚旧完之后，就坐低俾钱。嗰时见到成台都系杯，好似成10个人玩俄罗斯轮盘，数下原来有9只杯，不过入边好似好多都冇酒，而当时台底就见到有成4桶罐装百威，后来听讲系一桶8罐嘅~ 好过分啊！版主大人都5介绍D人嘅，搞到我到处问人点称呼！而好多人就知道我系边个！几5公平啊！！！仲要啊，D人竟然要我估佢系边个啊！555555555~ 中间D过程……互劈咯…… 不过可能部分葡友第一次嚟吧版聚会，好似大家都比较怕丑，玩咗一阵俄罗斯轮盘之后，大家就各自同自己隔离左右D人玩。其实都冇咩啊，大家坐得埋一齐饮酒，米放松D咯。虽然叫咗好多酒，不过觉得大家有少少慢热啦~ 跟住，嚟嘅人越嚟越多……好多靓女突然出现，塞住咗个卡座门口。5知道边个问我：做咩个个都企响门口5入嚟坐噶？！其实，仲边有位坐啊……不过后嚟见到yoyo，原嚟卡9D人佢识嘅，所以就部分靓女坐咗过嗰边~ 嗯……提下先，玩咗一阵，BB好低调咁出现咗~ -_- 不过有人迟钝过我，我都大大声同大家介绍咗“呢个就系吧版嘅版副BB啦”咁，过咗好耐，迟钝过我嗰个同人介绍BB~不过，BB真系飘忽，出现咗5系几耐就消失咗啦~ 不过我知道你去咗边噶~ 其实，期间一段时间，大约系有20分钟左右嘅时间，我都有觉得闷。因为大家饮完一轮之后，就各自停嗮口，所以个场面显得有D冷清，同外边热闹嘅舞池形成几鲜明嘅对比~ 不过始终觉得，出嚟蒲，识下新朋友咁之嘛，5需要强调个聚会成个过程气氛都去到高潮啊~毕竟好多葡友都系第一次参加吧版聚会，米当系啱啱开始互相认识咯，未一下子去到好熟落系必然噶嘛~ 不过你哋俾我感觉都好饮得啵~~~~~！！！ 过咗11点，外边舞池开始多人，而卡座入边D人，几杯落肚就开始high啦，好多人出咗去跳舞，都好似跳咗几耐下。期间，卡10人来人往，因为系星期5啦，可能好多朋友又自己约咗朋友，所以自己另外都有台，但系大家都过嚟打下招呼，打下人，劈番一两杯，总之就好鬼热闹啦~~~~！ 特别提下先，大姨妈嘅出场都几重要，又帮我哋影相啦，又到处拉人劈酒。大姨妈嘅话：“今日~~我基本和所有来的人喝了一罐（PS：除了 不想饮个D~） 我觉得`~~HIGH在我掌握中~”其实好中意大姨妈呢种态度~~~~！^0^ 嗯……中间我好似同好多人倾过计，都响卡座门口企咗好耐，后来知道16号生日嗰个F都响golf，所以行开咗过去~不过总体嚟讲真系几开心~~~~！ 呢个世界好鬼死细，竟然见到个酒店旧同事，以前佢响hard rock度做，我就已经成日见佢噶啦。之后竟然又系过去亚洲国际度做。寻晚我啱啱入去嗰时见到个背影直觉觉得系佢，结果就走嗰时撞番，原嚟佢同我几乎系一齐离开亚洲国际，佢就过咗golf做…… -_- 走嗰时，好似系两点半。大家响门口等咗好耐，好多人，约紧去消夜，而我呢，就决定番屋企。所以关于消夜D事我就5多清楚咯，只系好奇怪点解你哋可以咁快就消夜完番嚟上网噶？！ 我嘅感觉： 呢篇嘅系从我自己嘅角度去写咯，至于好多细节，5写了。写出嚟会好鬼长~虽然长，不过绝对5会闷死你哋，但系打咁多字会辛苦死我咋~！ 嗯……点讲呢，对于我嚟讲，好耐冇去蒲咯，今年真系好少好少了，而参加吧版大型聚会，好似对上一次系年初二…… -_- 不过好似期间大型聚会都比较少啦，可能大家比较忙，所以都冇咩点组织。记忆中比较大型嘅就系523吧版生日嗰次了，不过我冇去，5记得咗点解冇去…… 其实寻晚嘅聚会，我觉得因为好多葡友都系第一次参加吧版聚会，所以D气氛可能就未够话好兴咁。我谂好多人心态都系参加下睇下到底系点嘅，睇下呢班日日响网度水嘅人，系米真系咁啱key。不过总体俾我感觉气氛都系几融洽啊，我觉得大家都玩得几开心！ 至于评价，我想强调下： 1. 其实对于我嚟讲，因为蒲呢个版都葡咗一年了，参加过5少聚会，所以潜意识入边都会有对比。而至于个对比结果，我5会用“边个聚会好边个聚会5好”去评价，因为毕竟出现嘅人5同，时间5同，去嘅地方5同。就算以上条件都相同，但系参加聚会嘅人当时嘅心情都5可能相同，例如今晚我可能心情5好，我个目的系去劈低自己，但系肯对上一次我参加聚会系因为我心情好，所以我个目的系去同D旧朋友聚下旧，去识下D新朋友。所以其实根本就冇得对比！ 2. 至于个“闷”同“5闷”呢个问题，各人有自己嘅标准。我觉得作为一个响呢个版参加过几次聚会嘅人，冇必要将D话讲得好消极。自己5中意，未必人哋就5中意，特别系咁多新朋友第一次参加聚会，冇必要泼冷水，因为始终俾人潜意识嘅影响都系5好嘅！ 而至于得把口但系又5出现嗰D，就5该收声，因为你冇参加，所以你就更加冇资格去附和人哋D意见，因为人哋个标准5一定就系人哋嘅标准！ 3. 团结5团结，5系靠一两次聚会就决定，全广州咁多人中意去葡，咁多人上网，呢度人来人往系必然嘅。我觉得好多新朋友参加聚会系抱住一定嘅“尝试”心态，一回生两回熟之嘛。一次玩得开心米算一次咯，觉得5开心米以后少参加咯。呢度好自由噶，冇人强迫你噶嘛~系米先？！ 嗯……点讲都好，当然系希望以后D聚会都可以见到你哋啦~ p.s.尝试下以我嘅记忆去写下寻晚卡10有D咩人出现过啦！揸名单嗰个到而家都未出现！那，写漏咗5好闹我啊！！！ 以下人物5分出场次序5分男女5分排序 版主大人kenny，版副大人BB，海风，如梦+佢MM，冬冬两公婆，坐角落嗰pair我就真系5知道系边个啦，泡泡龙鱿鱼干，摇摇乐+佢个F water，藤原拓海，风火海，summer，教父，园长，tenny，神神，小青草，亚亚，女鬼，钱钱+佢个F（见过好多次了，不过5记得咗点称呼），托马斯，大姨妈，大款+GF，8-9点钟的太阳，白发，阿ming，小于，shoei，yoyo，囡囡，斯女，阿轩，肥华，雪糕猫猫，天使，天使妈咪，terry，opel 我就数到43个啦~ 5记得5记得了……有冇漏咗边个啊？ >< ambro 2002.08.17 撞鬼竟然话5详细写都写咗成个下昼，6K嚄~~~！ ---- 賜予我不輸給自己的堅強吧 相信自己將能夠成爲一個堅強的我 活著，希望便從不熄滅  |
|
[关闭][返回] |