|
发信人: andymax(阿摩尼亚打罗友) 整理人: supraboyqd(2002-08-20 11:02:38), 站内信件 |
|
7月28日 晴 早上11点半 增搓路某大型印务中心内，两条好鬼鼠噶家伙响一间房度关门密谈。 “JOHN，你琴晚真系赖野呀？” “呃你托咩，信得过你先话你知道咋。” “之但系，你都知道啦，写埋晒哩地野……尽管可以刺激销路，但纪检方面……” “米就系咯，我就系怕哩味芝麻。我没所谓呀，反正做娱记都系稳餐晏仔，下岗噶话边度都一样。” “你想我点样帮你？” “可以噶话，借你部门果部野来。” “哇，你真系好唔客气莴，部野几饼噶……我有咩着数先？” “而家两条路，唔做，我就只有死路，等下岗，做，或者有机会发围，到时候比一饼你又点话。” “系先好讲。” “得啦，啊婆秉神咩，长长气气甘，反正部野你地根本就连用都唔识用，罗来摆芝麻，装门面，你以为我唔知呀。” “就因为系罗来摆，D人如果发现突然间没佐噶话，我好难做噶。” “就一晚甘多，多一晚都唔要，OK？你霖下莴，如果单野OK噶话，到时候就肯定猪笼入水，收钱都收唔晒噶波，” “……一晚噶话……趁住而家没人，你跟我来罗。” 于是乎，我就跟住眼前哩个叫大旧噶人行入去他工作噶部门。 ※ ※ ※ 哩个中心里面的确几舒服，全密封管理，下面就系印刷基地，中间一个大噶环绕型楼梯环住个电梯上落地下同每层之间。哼，大报社即系大报社，工作环境始终都唔同，舒服好多。如果我可以发围噶话，我就可以黎哩地甘威水噶工作环境返工，而唔使话好似而家甘样身水身汗。 我地行到3楼噶一间紧闭房门噶房间前面，大旧罗起条匙开佐栋门之后，就见到里面摆住成套好正噶非线性剪辑设备同几台监视器，一句话：正！丝毫唔逊色于电视台里面噶设备。 “喂，七头，你日日响度玩哩地野，真系好鬼羡慕你噶遮。” “你睇我好，我睇你好遮……拿，部野果度，自己罗啦。” 顺住大旧手指住噶方向，我望到摆住响窗柜里面噶数字记者采访机，真系好正，可以连续工作几个钟头，直接用电话线将D采访资料传翻工作平台，我就系需要哩地野。 “拿……而家就来12点，听日中午噶哩个时候我就会比番你噶啦，OK，而家我地去吃饭先……你噶。” “顶！搞错呀，要我请你？” “大佬，伊期穷呀嘛，米甘样啦，唔好下下都睇而家，要霖以后，想象一下，系米几好哩……一于甘话，吃饭，真系好肚饿呀。” ※ ※ ※ 晚上9点，我黎到肥佬胜噶大排挡前面噶时候，先发觉条友根本无开档……确切D讲，应该系已根本无可能开档，是关铺头贴住噶一张纸上面写住：因东主有意改善经营环境，现将搬迁铺头于前方200米处新址营业，敬请顾客原谅并广为宣传，多谢。 掉那星，霖住黎呃餐消夜吃噶嘛，死啦，而家鬼甘肚饿，等阵边有气力做野莴，正七头，又怕死又反动。算，都系去隔离小卖部罗两蚊买只沙士同菠萝油医下个肚先。 “老细，唔该整支沙士同两个菠萝油来。” “没沙士。”一个好样衰噶年纪都几老下噶男人讲。 “甘有咩呀？百事有没？” “没百事。” 哇，么你条富贵甘X衰样噶，么七都无。 “蔗汁有啦挂？” “有。” “甘就蔗汁一支菠萝油两个啦。” “三蚊” “咩话？三蚊，你抢呀，边忽要三蚊呀？” “忽忽都要三蚊，蔗汁一蚊，菠萝油两个两蚊。” “我掉，么菠萝油唔系一蚊两个噶咩？” “其他地方我唔知，我度就一蚊一个。” 正七头，竟然抢钱甘款，掉那星，所以话哩，JOHN呀JOHN，人穷没阴功噶，连买个包你都要被人欺负。唉，哩个世道，没钱极都要生存落去噶啦，肚饿，打架都无力，吃饱先打七你，算，3蚊就3蚊，当比乞衣赚。 我递佐三张新蔟蔟噶一蚊纸比个士多老板，接佐支蔗汁同面包后，就坐响士多外面张台吃佐起身。 “老细，点解今日哩度少人佐甘多噶？平时应该好多人噶？” “点鬼知道呀，最近都已经觉得人气少佐好多噶啦，今朝早6点起身开铺噶时候，就发现对面肥佬胜大排挡响度搬屋甘款，后味先知道肥佬胜因为要搞大个门面，所以要搬铺。他一走，哩度就肯定会变得好安静，没晒他D客噶话，我今日噶生意都差佐好多。” 哦，原来他仲未知道闹鬼哩单野，哼，你收我甘七贵面包费，吓下你先。 “老细，我平时黎哩度，人多就话唔觉，不过今日就有一种好咩噶感觉。” “咩感觉？” “米就系咩咯……果味野呀。“ 个老板望佐我一眼，然后好冷静甘样同我讲：“你系米话鬼呀？” 哇，条友咩料呀，甘直接噶？ “ER……米就系哩样野咯……我对哩地野有少少感觉噶，平时可能人气旺，唔多觉，但今晚真系几强烈。” 老板又望佐望我，嘴角浮现一种好难形容噶笑容，“细路，你D直觉都几灵噶波……梗系啦，你望真D你隔离先啦。” 面对哩个神神化化噶老野，我真系觉得好莫名其妙，隔离？隔离有咩呀？成张台先得我一个，但好奇噶心理促使我真系另转头望我隔离，唔望都无所谓，一望就吓佐一跳。 “哇，你地几时响我隔离噶。”我大声甘问坐响我隔离噶一对小姐弟，他地各罗住支棍仔糖，一边嗒一边望住我。 不过他地没回答我。 “喂，细路，么你地甘无家教噶，我而家响度问你野呀，唔回答不突止，仲要牛甘眼望住我做咩呀……没噶……没噶……D面包我要吃噶，唔可以比你噶。” 唔理他地响度搞紧咩，反正他地噶眼神真系好怪，好异样，果种感觉好难讲出口。 “做咩对D细路甘恶呀……老细，唔该，例牌。”一把好熟悉噶女人声响我耳边响起。 哦，原来系琴晚噶认识噶靓女。 …… “哇，唔系挂？”我吓到从张凳弹佐起身大嗌佐声。 “咩唔系呀？”个靓女……准确D讲，果个样貌几好噶……女鬼笑笑口甘样望住我问。 “没……没咩呀，之不过，而家先……先10点唔够，甘早就出来散步啦。”我神色慌张甘样望住他地讲，因为哩一刻，我终于见到果两个细路同她……竟然响度吃……吃士多老细递过来噶……香。 “没眼睇，人穷真系零舍黑仔过人。”我响度霖。 “细路，你放心莴，我系人来噶。”个士多老细阴沉噶笑容另我觉得好怀疑他讲噶野，尽管如此，我都比较相信他系个人，因为我成日都响日头见到他。 “呵呵，我梗系知道啦，呵呵……呵呵。” “没计啦，而家生意难做，可以赚到钱噶，米做咯。”个老细罗出一沓银纸，找翻比我台对面噶三个……三只野，“利率都几高噶，有数为。” 就算我再大胆，见到D钱，都真系怕晒，张张都系下面先通用噶银纸，唉，么而家真系生意难做到甘样，连果D野噶生意都要做。 “喂，你好咯波，唔好成日哩地野，果D野甘样称呼我地波，我地有名有姓噶。”只女鬼……啊，唔系，个靓女开声同我讲，“你个心我及到实晒噶，你有咩衰野霖我都知道得一清二楚。” “哇，使唔使呀，甘样我米无晒隐私？” “系噶啦，无隐私噶啦，点样，你唔系好想作D野出来噶咩，既然咩都准备好晒咯，就直接D，唔好甘婆妈。” “强！稳你赌钱赢硬，夷？？不如你帮我去大挡杀它铺盘满钵满啦，甘样米仲好过老作写鬼古呃人更好？” “你睇得电视多呀？广州边度有大挡呀，就算有，你赢到几多先？就算系可以赢，我都唔帮你去赢，赌钱好无阴功噶，赢人地D钱分分钟可能系老婆本、老豆老母噶棺材本，我仲响去投胎噶。” 真无阴功，求其霖D野芝麻，都未付诸实行，就已经被人……被鬼响度进行思想觉悟教育，使唔使呀，不如你同我讲埋精神文明，物质文明啦笨。 “我生前系一个教师来噶。精神文明、物质文明哩地野我真系可以同你讲一大轮噶莴。啊笨。” 就响哩个极度唔公平噶环境里面，我 —— 一个甘热血、有为噶年轻人，竟然面对住３只加一个神神怪怪噶野，天呀！！！么你甘比面噶，使唔使甘刺激呀，就心脏病发噶啦。呜呼哀哉，没办法啦，穷呀嘛，认命咯，唉！！ ※ ※ ※ 台上面部记者采访机已经设置好晒，一场跨越阴阳噶另类采访响度进行中。 “首先声明：我帮你实现你噶心愿，但你唔可以要我条命；唔会帮你做犯法野；唔会帮你害人；唔会做你替身；唔可以比你上我身；好似ＢＡＴＭＡＮ、蜘蛛侠Ｄ高难度噶我做唔到，低难度噶话你就唔好侮辱我智慧啦……” “我要罗你命，你可以阻止咩？”只野突然好恶Ｓ甘样飘到我面前讲，我同她之间就相差0.1尺，几乎系鼻哥对鼻哥，哩地情景以前我都试过，不过对象系人，会有阵除……女人除，兼且没甘冻。 “啊……啊……啊嗤……唔该你唔好痴甘埋。遮我噶意思系，靓女痴甘埋我就梗系高兴啦，不过你知啦，你Ｄ体温又甘冻而且仲插响张台度甘样同我说话，我分分钟会头昏身兴兼且心脏病发，如果一个唔好彩病佐，就没人帮你实现心愿，当然啦，我自己都没钱斗，所以话哩，甘样系唔好噶。有Ｄ咩野，我地都可以坐落黎，饮杯茶，吃个包，慢慢倾，有咩唔妥倾到妥，唔使话吓吓讲打讲杀噶嘛，大家都系斯文人，而且都系江湖儿女，关二哥照噶，心口咩都无，就得个义字……” “得啦你，长篇大论，搞到闷晒，你Ｄ条件我都全部接受，得未？”只野盏眼间翻番去原先坐住噶凳上面。 “哦？甘顺滩，唔会有景滚挂？不过既然你甘豪，甘细佬就为你赴汤蹈火，在所不辞啦。” “第一件事就系帮我去探望我嬷嬷，将我噶情况讲她知道，至于第二件事，你做完第一件事之后我再话你知道。” 哦，原来系哩地淋渖野，“没问题，听日我帮你搞惦它，而家可以开始采访未？” “你喜欢咯。不过你都未知我嬷嬷住响边度，唔好以为真系甘简单波。” 一言惊醒梦中人，眼前噶哩位……唔知道何年何月噶……她嬷嬷噶话……会唔会系千年老妖来噶？好多聊斋里面噶姥姥都系好恐怖噶莴，即时心惊胆又跳，眼定定甘样望住部采访机，半日都无声出。 “我顶你呀，乱甘霖野，咩千年老妖都出埋黎，又姥姥又盛，你估而家系倩女幽魂呀，你有没甘好彩呀，发傻。她响老人院住噶，叫周素娟，我生前由于工作忙，所以没时间去探望她，或者果阵比自己太多借口，死佐以后先知道孤独噶感觉，好辛苦，好辛苦，到而家，她都未知道我噶情况。本来我想自己去，但路程太远，加上我觉得自己没面目去，所以希望你可以帮我，话我噶情况比我嬷嬷知道。” “好，我答应你，既然讲你噶情况比你嬷嬷知道，都几岩我以下要对你所进行噶采访所问噶问题。” “你问咯。” “你系点样过身噶？” “上两个礼拜噶星期一我返工果阵，过马路噶时候有部失魂车……” “哦，车死，肯定肠穿肚烂，横死当场，系米？” “你就当场横死，系米想而家死？”只野又飘到我面前，又系相距0.1尺。 “唔……唔使甘恶莴……我……我都系觉得而家气氛几……几闷，想搞搞气氛遮。” “哼，如果你够胆有下次，我绝对唔会放过你。” “ＯＫ，你继续讲落去啦。” “我当时为佐避部车，扑到马路边，当时我除佐只脚刮伤之外都没么事，不过部车就撞佐落电线杆度，个司机即时昏厥当场，我跑过去，希望可以拉个司机出来，但我唔知道，原来当时条电线杆有条高压电线跌佐落黎……果阵我真系死得好恐怖，你……想唔想见下我果阵噶样呀？” “呃……唔好啦……唔好啦，靓女Ｄ米几好，唔好搞埋晒Ｄ恐怖野啦，系米，大家都甘熟咯……呵呵，呵呵。” “系咩……” “系呀……系呀……好，我地继续下一个问题，就系你岩岩转换环境噶时候，你当时噶感觉同感想系点样噶？” “环境？当时我昏佐之后，就觉得自己变得好轻、好轻，当我醒翻噶时候，我见到好多人围住发生意外噶部车噶外面，有几个救护人员用两副担架将两个人抬出人群，一个系果个司机，另一个……就系我。果个司机到最后可以救番醒，而我就惨死当场……不过我都没么怨恨，剩系觉得响哩个世界我有两个心愿未了，所以我留番响度，无即刻去投胎转世。” “呃……好可怜，甘样你去佐后，系米即时变得好唔习惯呀？” “我果面噶世界同以前噶世界其实都无么唔同，亦唔会好似Ｄ书同电视甘样话噶甘恐怖，一样有社会、有制度，不过由于我当时并未入籍，所以不得不停留响Ｄ阴气重少少噶地方休息，再加上我果阵仲系新人，好多野都唔识，所以先甘唔好彩比肥佬胜见到我，吓到他而家连铺头都搬埋走。我而家都好闷，因为以前Ｄ客人响度吹水倾计噶话，会另我回想起自己仲系人噶时候过住噶生活，但而家静英英，好唔习惯。” “ＯＫ……甘样你地系米都有贫富之分噶？皆因我头先见到你都有用钱进行交易。” “交易就梗系有啦……没钱噶话，边个会帮你做野莴。陈伯其实好好人噶，他天生阴阳眼，所以对于我地来讲他见怪不怪，而且仲同帮我地做生意。我地哩地周围游荡噶，没人供奉，经常都挨饿，好彩有陈伯响度，我地先有餐茶饭吃咋。” …… 就甘样，我用佐成晚噶时间黎同哩个都几靓下噶野做佐一个好神秘噶访问 —— 没办法啦，都系为佐稳餐晏仔吃遮…… ---- 
好劲嘎哑铃呀～ |
|
[关闭][返回] |