|
发信人: andymax(阿摩尼亚打罗友) 整理人: supraboyqd(2002-08-20 11:02:37), 站内信件 |
| “哇，哩张好肉酸遮……疑……哩张呃称到，点出街呀，而家D人好醒目噶，唔好话呃人啦，呃鬼都唔得啦……ER……哩张分明就系解剖图，边系鬼图片呀又……”
搞佐成个下昼，抄佐几十个鬼古网站，都无得恐怖刺激噶野，而且D图片来来去去就果几幅，点做新闻呀，没刺激销路噶新闻，我睇怕真系要下岗咯，一霖起哩地，我噶头即刻痛晒，“好心你就整D鬼鬼怪怪噶野比我啦，天呀！！！我就来失业噶啦。”我突然间对住天花板大声甘样哎，当然啦，么事都无发生。 台面噶时钟短指针指向6哩个数字，不知不觉间，已经6点钟，系时候去咬米，我顺手执起件衫，就出佐房门，直奔平时去开噶胜记。 ※ ※ ※ 胜记大排挡，永远都系甘多人来吃噶，没计，D野平靓正，锅气又够，岩晒河车。 “肥佬胜，同我来一碟炒牛河、一碗皮蛋瘦肉粥，仲有一碟油菜，快马。” “好噶，等等。” 哩个响度做抄紧送噶死肥佬，米就系胜记噶老板兼工头咯，凡事亲力亲为，从来无马虎过，做出来噶送又香又正，一个顶三，抵他发到猪头甘款。不过讲真，条友甘有钱都亲自下厨，我怀疑他真系发钱寒，前世未做过咩，搞错，留番D工作请多D人帮手，繁荣下而家哩个失业严重噶社会仲好啦，真系都唔知他点霖噶。 就响我响度无无聊聊罗筷子敲桌面噶时候，一碟散发住好劲辣椒除噶油菜上佐来，然后一只罗住一支白酒噶油淋淋噶肥手将酒摆埋上台，条肥佬好七大声甘样讲：“喂！JOHN，好耐没同你对过，今晚一于对霖你先比走。拿！私人整碟劲辣四川紫天椒你过瘾，唔话得啦挂。” 哩个肥佬胜，查实根本就唔饮得，不过就成日响人面前话自己点样吹得，劈得，没计，人性，反正我都闷闷地，米慢慢同他玩咯，乐得逍遥。 “好呀，胜哥甘比面噶话，同你大劈又点话，兄弟，没计噶，不过讲明先，我剩系够钱埋饭钱咋。” “得啦，米鬼婆妈啦，今餐我噶，得未，来，劈过……” 条死肥佬发神经呀，平时孤狗寒寒，今日竟然免我饭钱？哼，肯定有古怪，睇定D先。费事鸡髀打人牙窖软，饮多几杯赖野都唔知。 “胜哥，吃饭就梗系要比钱啦，你小本经营，钱点都要赚噶，等你发大来作之后，你再请我成围都未迟啦，系米先。” “唉，发咩大呀，得啦，我话请就请啦，兄弟，没计噶……唉，最唔知点解，硬系头头碰着黑，就上排芝麻，买外围，输到啊妈都唔认得，真系掉七韩国佬，多得他地唔少，不过都算啦，成个月甘耐咯都。不过自从7月份以来，就真系黑过墨斗，邪过金字塔。” 只肥猪一路讲，一路将只脚摆上张凳度，仲用只死人咸猪手响度死甘率他噶香港脚，搞到我吃野完全没晒胃口，真系响一酒樽啪落他脚趾公度，不过条友话自己好邪……似乎……几岩我而家噶CHANNEL波，好，忍耐下，听完你讲先啪七你脚趾公。 “胜哥，你话到甘邪，有咩事情发生先？” “JOHN……其实你信唔信鬼噶？” “信，我梗系信啦，哩个世界甘大，科学解析唔到噶野又甘多，我信噶，不过你唔好同人讲我信波，你知啦，而家下下都提倡科学呀嘛，唔比搞埋晒D封建迷信野，特别我做噶果行就更加，哩地野，心照啦。”你只死肥猪米鬼咯，孤寒鬼呀嘛。 “得啦。你知啦，我晚晚开档开到3点先收噶嘛，最近生意都几好，甘样霖住顺少少，4点先收，不过就哩几晚……”条肥猪左望望右望望，然后哄个头响我耳边讲，“就哩几晚过12点后，我已经收到几个客投诉话我铺头后面噶厕所有D‘污糟野’响度呀。” “污糟野”？我一听见哩个词，个心即刻打个突，“你噶意思系米‘GUE’呀？” “米就系‘GUE’咯。”肥佬胜自对一杯白酒后继续讲：“我自己都见过，白色噶，痴响墙上面，好肉酸，总之就得人惊啦。” “哈，肥佬胜，你讲哩地野出来，唔惊我唱通街呀？” “拿，我当你兄弟，你系米当我契弟先？系噶话我罗刀劈你噶。” “哈，胜哥，讲笑，讲笑，继续，甘你后来点样呀？” “没呀，果次我罗住把刀去厕所噶，就望住，好近，都没几米噶距离，我都算大胆噶啦，但都手震晒，本来以为没噶嘛，点知真系出现，只脚软晒，行路都没力，差唔多系爬番出去噶，总之就得人惊啦。搞到我而家，未到12点就锁住度门，唔比D人入去，瞒住D客话厕所要大修，因为霖翻起都惊，所以自己去厕所噶时候，唔理日头定夜晚，我都跑翻自己屋企度，就算急到要濑都系甘话。” “好猛噶？” “甘又唔系，可能剩系吓人咯，都没真系出过大事，之但系，有D甘样噶野出现，点都惊噶啦。” “几时出现噶？” “就上礼拜，果次无啦啦有个客人吓到跑出来，责问我地点解要整D死人公仔响墙度，我果阵响度刮猪毛，于是顺手罗埋刀入去睇，竟然真系有，我想整落来，点知个公仔竟然识得对住我笑，吓到我只脚软晒，要爬翻出来噶，阴功。” “真系甘猛？” “呃你托七呀。” “我想见识下。” “唔惊？” “吓大噶。” “好，就系因为你唔怕死，先同你讲，你点样做？” “没呀，到时候先算。” “但我比心理准备你，真系好得人惊。” “知道啦，长气。” “拿，你准备好后就来稳我啦，没办法啦，12点后先出现，11点半我就上锁噶啦。我而家翻去做野，你慢慢吃啦。” “OK。” 只肥佬胜走人之后，我终于可以静心吃我D饭送，不过他头先死率噶脚趾老泥……似乎仲响张凳度，我掉，调味料咩，一脚踢开张凳，点知道甘唔好彩踢中个岩好经过我张台噶客人。 “掉你老母呀，你搞么七呀。”条友好大声甘样讲。 “没，我掉紧你老母，唔得闲搞你条七。”我弹番句比他。 “扑街，搂打呀？” “系呀，比人打到扑街呀嘛，你。” “七头”条友仔一野扯起我件衫，我终于认真甘样望清楚他噶样，顶，原来系RED，我噶变态同学。 “七头RED，我唔该你望真D我系边个。我噶打招呼方式特殊少少遮，甘你竟然喊打喊杀？离谱D莴。” “掉，原来系你条HI佬，JOHN。有甘样噶打招呼方式噶咩，你都算过瘾咯。” “哩个世界甘大，咩唔得先。哈哈，好耐没见。” “恩，都两年没见咯。” “而家边度高就？” “无业。” “无业？响度游荡呀？” “系呀，讲到甘明做咩呀，你D性格都没变，都系甘直。” “呵呵，游荡就岩晒，听晚你得闲噶话，有单野稳你帮手。” “咩野？点计数？” “ER……一晚100，做咩你唔好哩，唔系犯法野，OK？” “掉，100甘少，200。” “200多，不如稳两个民工，150。” “OK，OK，150就150啦，拿，哩个我电话，到时候CALL我，我而家有D事情，走先，再见。” 事情似乎好顺利，有单邪野，有条颠佬，应该系两条颠佬，甘样做起事情上来应该方便好多，听晚，哈哈，希望听晚可以成就我噶事业啦……听日早上一于去晒D和尚庙同道观求多几道符先……一于甘话，吃饭…… ---- 
好劲嘎哑铃呀～ |
|
[关闭][返回] |