发信人: wong_sammi(小倩)
整理人: junorock2001(2002-07-17 01:02:38), 站内信件
|
之所以叫作隐世美食，系因为呢几间野都好细间，可能系因为专做街坊生意挂，响广州唔太出名，但几间都继承左西关平兼好味既特色。以前在那里上班的时候中午就常常在这几家店里解决。
西子美食：中山八成都宾馆对面条路一直入，左手边就可见西子美食。以竹升面出名，够晒爽口弹牙，最紧要就系够晒平，净蛋面1。5，猪手面5蚊（大）。宜家个汤底比以前淡左D，但都系好靓，食得出系由虾干大地鱼同猪骨熬既，够晒鲜甜。萝卜坑腩，够晒入味，D粥一D都没偷工减料，上次食既艇仔粥入边就有：烧鸭（烧鹅)、浮皮、花生、烧肉、猪肚、油条。推荐：猪肠面，炸酱面，牛三星汤，艇仔粥。
菜根香：同样系中山八成都宾馆对面条路一直入，西子美食前二十米。专门食斋既，好似都几出名。前果几日观音圣诞，唔知有没特价呢。我一无高血压，二唔信佛，所以就没入去食到啦。
西湾甜品：同样系中山八成都宾馆对面条路一直入，过左菜根香之后右转，十二中旁边。推荐香芋炒蛋奶、马蹄粉蛋花糖水、芝麻糊。果度既甜品甜度岩岩好，我最钟意就系香芋炒蛋奶啦，即点即整。马蹄粉蛋花糖水2。5，香芋炒蛋奶3。5，芝麻糊2蚊。（应该没记错）个人认为同文明路既玫瑰甜品百花甜品相比，周门既西湾甜品可以话有过之而无不及。
无限美：荔湾路幸福新村旁，人行天桥下面。推荐煎饺。事关够香，而且系即点即包即时煎，够晒新鲜热辣。一上就系一大兜，够晒食，价钱都净系五蚊，
金沙煲：同上面果几间相比，呢家都算贵咯，以食西餐为主，西餐中又以扒类出名，入边既西朗心系呢度既招牌菜。品质同味道方面，认为比渌亲脚同绿岛靓N倍。推荐炭烧牛仔比。六七十蚊一份，仲送晒酸梅酒。上次去食烧到岩岩好熟。两个人食到唔食郁。正啊！
除此之外，中山八路隆城大厦直落既伍湛记出名食靓粥呢个就系人都知啦，另外二家姐既干炒牛河、惠爱既烧乳鸽都值得一试。惠爱茶餐厅就唔好啦，虽然都系惠爱开既，但品质就差好多。 |
|