|
发信人: gamba(そのスピードで) 整理人: kobayakawa(2002-06-18 16:43:18), 站内信件 |
| 位于第三格嘅碟放到乱晒，多间公司嘅碟。
（抱歉好多碟揾唔到相） 19 
《青》 冇听过19就要听了，起码都要买只精选呀。 
《春》 19好正嘎，民谣一流。 Cocco 
《Cocco best album》 双大碟嘅精选，十分超值。里面更收录咗Cocco嘅未发表曲。除咗椎名，就更唔能唔提Cocco了。 Dragon Ash 《Viva La Revolation》 Dragon Ash成名大碟，99年最红嘅CD之一。我对佢嘅感觉由讨厌边为喜欢，经历咗好多变化。不过好嘅始终会系好嘅，只是时间问题而已。 《LILA DA VIDEO》 当时买呢只碟之前系可以选买新大碟嘅，点知道鬼使神差买咗呢只碟，可能我中意里面嘅PV多D呱，放弃咗新大碟的确好可惜。 酒井法子 《Pure Collection》 精选大碟，冇乜好讲，总之就好听，买过呢只碟之后都冇买酒井嘅碟了。 《work out fine》 个人认为唔错嘅大碟，不但歌曲俾人一种畅快嘅感觉，而且歌曲十分适合酒井敋嘅形象，歌曲更适合中国人听，难怪佢会系中国咁红。 《water colour》 最初期买嘅正版碟，只碟都差唔多听到花晒了，实在夸张，96年发行，虽然当时拥有人唔系我，之不过到咗97年之后，就收归我门下了，算系二手碟啦。 love psychedelic 
《THE GREATEST HITS》 LP成名大碟，我当然好中意，尤其系《LAST SMILE》。不过LP嘅底韵唔足，难成大器。 
《love psychedelic orchestra》 同上只大碟一样感觉，冇乜惊喜，再睇呢只碟就知LP难有发为。 河村隆一 《LOVE》 河村最卖得嘅大碟，我亦越听越有味道，特别系河村嘅POP式唱法同系LUNA SEA嗰阵唔同，首次见识。 
《深爱》 解散LUNA SEA之后第一只大碟，继续河村嘅POP式唱法，与我对LUNA SEA嘅河村ROCK式唱法同样中意。 
《Ne》 我几喜爱此首歌，更想买只细碟唱K，可惜唱过就知道实在高KEY，谷唔上去了。 Kuraki Mai 
《delicious way》 呢只大碟对于我嘅重要性相当于彩虹嘅《Heart》。认真睇社区精华区嘅帖。 
《Perfect Crime》 好多歌都唔适合Mai去唱，唔明白点解会选嗰D歌，佢把声唔够力系缺点之一，系呢只碟里面表露晒。不过就算点我都会支持Mai嘅，无论点样，Mai对我嘅重要性大于一切。 
《FIRST CUT》 当时知道有DVD出，第一时间买咗了，因为冇DVD机嘅关系，等咗好耐先睇到。里面差不多收录晒我最中意嘅歌，DVD将最美妙嘅一切都收录了。 
《Love,Day After Tomorrow》 每一个音符都使我难忘，每句歌词都使我咁中意呢首歌。 
《Stay By My Side》 首次听呢首歌先发现Mai，名曲。 
《secret of my heart》 一首能够使我感动嘅歌，感情完全投入到此曲中。 
《Never Gonna Give You Up》 Mai每首歌都令我咁中意佢，中段Rap得好型嘅一首歌，最中意Rap呢段。 
《Simply Wonderful》 加上少许拉丁风情，睇埋PV就觉得Mai越来越迷人。 
《Reach for the sky》 越听呢首歌越有味道，旋律优美，好适合唱K。 
《冷海/star in my life》 我觉得《star in my life》比《冷海》优胜。 
《stand up》 里面嘅c/w更加好听。 
《always》 每一只细碟都要买，呢只都唔例外。 
《Can't forget your love》 仍然觉得Mai系最好嘅。 
《Winter Bells》 冬天听就唔错，质量及唔上以前嘅歌。 
《Feel Fine》 近期细碟，适合夏天嘅歌。一听就会使人喜欢嘅歌，特别系炎热嘅夏天。 
《Mai Kuraki First live 2001 in Zepp Osaka》 开头以为Mai唱LIVE会有HIKKI咁犀利，点知道买咗呢第一饼VIDEO之后，觉得佢唔系几够气，需要努力一下了。不过睇VIDEO始终比睇VCD好。 爱内里菜 
《Be Happy》 我对爱内冇乜FEEL，歌都系一般，相对于近期只新大碟，呢只碟算差了。 
《Oh,Paradisc Taste》 唔算好听，买咗都觉得无谓。 Soul Crusaders 《SAFETY LOVE》 呢队嘢唱R&B多，首首歌都差不多，却胜在大野爱果作曲，听得下嘎。 《LONESOME TONIGHT》 一首作得唔错嘅歌，从呢首歌开始吸引我听呢队嘢。 《Baby sweet sunshine》 听埋呢首歌就觉得佢地发围嘅成数唔过，始终嘅实力要建立系自己身上。 YOKO Black'Stone 《's All Right》 Mai就系唱咗好多佢作嘅歌，亦就系呢首同名歌，可见其实力有目共睹嘅。 Zard 
《Best the single collection》 开始觉得买晒ZARD嘅大碟机会好少，所以打算买只精选算了。不过最打击我嘅唔系只碟唔好听，而系打口碟嘅出现，使我觉得同一样嘢，我却付出太过了。 
《Best request memorial》 精选不愧为精选，果然好。 
《限定LIVE CD》 人人都买打口，唔买就笨了。其实呢只限定版CD系打口先有，一般正常市场都好难揾到了。 大黑摩季 
《BEST OF BEST》 双CD收录，唔错嘅一只精选大碟，有机会大家要买只了。 B'z 
《ELEVEN》 我对B'z其实就冇乜兴趣嘎啫，不过收《望见今夜月亮的山丘》就真系好正，所以买只大碟亦不为过。 松浦亚彌 
《FIRST KISS》 实在太喜欢AYA了，大碟里面嘅歌就系佢嘅魅力所在。 Morning娘。 
《BEST Morning娘。1》 虽然M娘好碟都冇买，而且我亦唔会迷佢地，不过精选点都要买只，真系好好听嘎。 Gackt 
《MARS》 Gackt最吸引我却系佢嘅假音，夸张得很。碟里面嘅歌质量唔错，有听头。 
《Rebirth》 好意外地买到呢只碟，因为系台湾出版关系，好多介绍都系中文解说，‘神威乐斗’呢个名相当有趣。歌嘅质数相当不俗。 
《seki ray》 以第二首c/w歌，即strings REMIX版最正。 
《Platinum Box 1》 现场LIVE CD，再加上两个PV同MAKING，算做得唔错了，PV好睇，LIVE好听。 Dir en grey 
《MACABRE》 第一次听DEG嘅大碟就只系呢只。听过之后不得不被DEG嘅音乐吸引住，虽然我对佢地嘅形象不敢恭为，但我只对音乐并不会去留意其形象如何变化。歌词亦系其突出嘅地方。 
《鬼葬》 据说买之前好抢手，所以我要第二个月先买到。虽然系迟咗少少先听得到，但有总好过冇，而且其CD盒十分厚，于一般CD盒大大的不同，同《MACABRE》一样可能要去突出系初回版呱，我觉得《M》个盒靓得多（系突字式花纹）。冇日文歌词系我始终搞唔明白嘅地方。 LUNA SEA 《STYLE》 呢只算系我买LUNA SEA最前嘅一只碟了，感觉冇《SHINE》咁正，不过一样系LUNA SEA嘅SLAVE们不得不听之大碟，LUNA SEA始终就系LUNA SEA，始终系咁犀利。 《SHINE》 我所买第一只LUNA SEA大碟，亦系非常有感觉嘅大碟之一。听过之后大家都不会放弃LUNA SEA嘅音乐，因为实在太出色了。如果觉得呢只碟都唔好嘅话，一系就唔中意ROCK，一系就唔识欣赏高水平嘅音乐。除咗《I FOR YOU》之外，《ANOTHER》亦系超水准之作。 《SINGLES》 LUNA SEA精选，不但可以听到之前出色嘅细碟歌，最主要都系可以听得到细碟里面嘅c/w歌。重点推荐《MOTHER》一曲，超水准。唔舍得买《MOTHER》大碟，始终系我自己嘅损失，亦系遗憾。 
《LUNACY》 LUNA SEA以前嗰名就要LUNACY，用返旧名就要回归从前。大碟创作得十分新鲜有型，特别系《KISS》一曲简直诱人，加上DJ.KRUSH之后LUNA SEA嘅音乐就更有一种前卫嘅感觉。 
《PERIOD》 都系精选，不过我因为要听《LOVE SONG》所以先买。 
《SINGLES 2》 收录好多细碟c/w歌。连c/w水准都咁高，LUNA SEA直头系劲呀。 《gravity》 以前为咗听c/w先买只细碟，衣家唔使了，只碟都冇乜作用了。 Misia 《Moster Farter Broter Sister》 初认识Misia都系从电视上认识。点讲呢只碟都系超水准，虽然较似美式R&B嘅唱法，不过胜在够抒情，差不多呢种歌就系次处地方吸引我。 
《LOVE IS THE MESSAGE》 我觉得Misia最好嘅大碟，整体做得不错。 
《MARVELOUS》 夹住《Everything》威名所出嘅大碟，可惜制作略显粗糙，并非首首动听，感觉一般。 《music clips》 买PV集系因为要睇《everything》PV，DVD版本实在靓呀。 华原朋美 
《LOVE BRACE》 华原最出色嘅大碟，亦系小室其实力嘅体现。当然亦使我中意华原。感觉始终难忘。 
《storytelling》 制作冇上一只咁认真了，不过歌仍然好听。 
《nine cubes》 人气已经江河日下了，歌曲质量明显不够以前好，听呢只碟已经见证咗了。 
《One Fien Day》 再次返回乐坛嘅大碟，制作人算唔错了，可惜华原本来声线已经唔好了，点做都唔掂。 
《Love again》 花费不少钱买嘅碟，因为市面少见。可惜质量认真唔掂，再走R&B式嘅歌，会有得发围么？加上佢把声？ 
《ｋａｈａｌａ ｃｏｍｐｉｌａｔｉｏｎ 》 好正嘅精选，买到嗰阵好高兴，不过见到系打口碟到贱卖就真系，，， 松隆子 
《空之镜》 《明日春来了》一曲已经够打动我了，加上只碟由日向大介做监制，话唔掂都唔得啦。 
《爱之扉》 松隆子走嘅路线真系十年不变，不过我就系中意佢呢种音乐，旋律悠扬动听。 
《何时，樱之雨》 亦系我好中意嘅大碟，初回版包装好正，好值得买初回版。 
《a piece of life》 虽然系夹住《HERO》嘅声势发行新大碟，有揾钱之嫌，不过只要有新歌，我绝对会去买新碟嘅，而只碟质量一样系唔错。 
《梦之点滴》 十分好好听嘅一首歌，最难得系松隆子作曲，好。 
《月之舞》 象催眠曲一样，睡觉听最好。 
《樱之雨，何时》 动人心弦之曲。 
《温柔之风》 温柔之作，适合佢 
《恋人》 歌曲照旧系咁，我照样买。 
《象花一样》 冇需要解释了，松隆子嘅歌就系咁抒情，同佢个样一样。 （松隆子以前嘅三寸细碟就唔写了，我亦唔打算写其他三寸碟，实在多。） |
|
[关闭][返回] |