|
发信人: gamba(そのスピードで) 整理人: kobayakawa(2002-06-18 16:43:18), 站内信件 |
| SONY公司出品必属佳品~
L'Arc~en~Ciel 
《Tierra》 彩虹出道嘅第一只大碟，维持着之前《Dune》嘅风格。所以两只大碟风格差不多，虽然音乐比较地下感觉，但仍然不能遮盖住彩虹嘅实力。《Blurry Eyes》一曲足以证明以其实力将会系未来得到成功。 
《heavenly》 与上一只大碟有较大嘅差距，主要因为乐队采取偏向POP嘅曲风所造成。因此歌曲较易接受，而细碟歌《夏之忧郁》采取另一种编曲，使人要买过只细碟先可以欣赏到呢咁正嘅首歌。 
《True》 完全系彩虹走向成熟嘅标志嘅大碟。过百万嘅销量足以使人感到其实力绝对系强劲。从呢只碟可以睇出彩虹系每方面都得到提高，无论系作曲，编曲等方面。对于之前嘅大碟，除咗《Dune》，就到呢只碟高水平。 
《Heart》 本人最欣赏嘅大碟，亦系最爱嘅大碟。呢只碟一共买过三只，可见呢只碟嘅重要性有几大。如果有排名，呢只碟绝对系我眼中拿第一，因为从任何方面都表现出色，都咁正。虽然彩虹系《True》得到成功后，SAKURA嘅离开对佢地有好大嘅影响，之不过YUKIHIRO嘅加入反而使彩虹焕然一新。 《Heart》嘅成功就系一例。 
《ark》 开始嘅时候完全唔理解呢只碟，全因里面嘅歌太丰富多彩。但听落之后又不得不佩服彩虹嘅多才多艺。越听越觉得彩虹有实力。 
《ray》 最能表现佢地实力嘅招牌例子。歌曲嘅统一，特点突出，使人感到整张大碟嘅制作系几咁精彩兼认真，与《ark》嘅丰富多彩形成良好嘅对比。 
《ectomorphed work》 完全系YUKIHIRO能力嘅体现。整张混音大碟使人对以前嘅歌有住一种全新嘅感觉。特别系《FATE》嘅混音，简直正。 
《real》 比较有实验性质嘅大碟。如果仲有下一张大碟嘅话，将会比呢张更出色。虽然被人有留力嘅感觉，不过《finale》一曲使人觉得其实力依旧。 
《Clicked Single Best 13》 如果唔系因为《anemone》一曲，我先唔会买呢只精选。对于精选我冇意见，未接触过彩虹嘅朋友应当买呢只碟。 
《夏之忧郁~~Time to say Goodbye》 因为细碟同大碟版本有区别，所以要买只细碟。当然中意细碟版嘅人都唔少，因为实在正。 《winter fall》 全因为呢首歌我先中意彩虹。曾经写过评述呢首歌了，唔多讲。 
《NEO UNIVERSE/finale》 实在中意《finale》所以买咗呢只碟。 
《STAY AWAY》 买呢只碟嗰阵完全陷入彩虹嘅迷阵中。我始终对呢只歌冇乜好感，觉得首歌太一般了，并非其实力嘅展示。不过有只tetsu嘅人形公仔送，亦唔过份呀。 
《wonderful word》 tetsu嘅SOLO细碟，水平一般，冇乜感觉，睇唔出有时tetsu都几流下。 
《A PIECE OF REINCARNATION》 十分正嘅PV集。我最中意嘅原因当然系里面嘅歌啦。不过《shout at the devil》一曲系演绎得最好嘅一次。我会再次期待DVD版本。 
《Tour'98 light my fire》 我最中意睇呢场演唱会。可惜歌收录得比较少，同真正嗰场差咗几首，不过都无碍我对呢场演唱会嘅喜爱。期待DVD版本。 
《CHRONICLE》 花絮同PV一样出色，我实在佩服彩虹以PV来演绎歌曲嘅能力，实在让人感受到一种压力，系一种从佢地实力所发出来嘅压力。 
《1999 GRANO CROSS COMCLUSION》 好出色嘅一场演唱会，睇过就知道十几万人嘅威力，爽呀。 
《CHRONICLE 2》 感觉同《CHRONICLE》一样，不过从DVD版睇，《finale》拍得好正，又型又靓，冇得顶。 NINA 《NINA》 JAM嘅YUKI自己SOLO同人合作嘅大碟，加上佐久间正英做监制，水准都有返咁上下，唔错，够舒畅。 RIZE 
《ROOKEY》 总之就系嘈，不过嘈都有佢嘅道理。因为从某种角度睇，RIZE嘅成功由呢只大碟爆发出来。 PORNO GRAFFITTI 
《foo?》 水准之作。冇听过就筛晒了，总之就系正。 
《kumowomotsukamutami》 虽然使人感到唔及上一只大碟，之不过仍然有其出色之处。PORNO GRAFFITTI系有前途嘅。 JUDY AND MARY 
《FRESH》 十分精彩嘅精选大碟，有兴趣要买返张，当然，我对JAM嘅疏忽系最遗憾嘅。 YUKI 
《PRISMIC》 买咗返来仲未认真听，未有意见，不过有人话唔错，够过瘾。 The Brilliant Green 
《The Brilliant Green》 虽然第一只大碟冇收录到出道单曲，不过有《There will be love there》呢首歌就已经够了。 
《TERRA 2001》 英文歌比日文歌仲有多，系我唔多中意呢只CD嘅原因。讲真只碟就照样出色。 
《Los Angeles》 最能讨好我嘅大碟，除咗细碟歌正之外，大碟歌一样爽，听过之后每人都会中意TBG。 
《在这速度之中》 买只细碟系为咗唱K，而且《Rock'n Roll》现场版一样正。 
《CALL MY NAME》 因为大碟版系英文，所以要买细碟了。 
《BYE！MY BOY》 收录《There will be love there》同《无尽叹息》嘅DEMO版，值得买。 
《angel song》 里面三首歌都中意，特别系《黑色的翼》~~噢~~美妙。 
《Forever to me》 近期细碟，水平不俗，够耐听。 
《Tommy Februry6》 同SOLO碟就睇出TBG实力强劲，时代感强。 ZONE 
《Z》 会否定ZONE的魅力么？梗唔会啦，听咗呢只碟就会觉得ZONE实在吸引人。 知念里奈 
《Growing》 里奈能吸引我，呢只大碟功劳不少，就《WING》一曲已经可以使你感到佢嘅活力所在。 
《Passage》 第二张大碟就系精选了，可见人气下滑得好快，当然有好多原因，但歌仍然好听。 
《breath》 比较难揾嘅一只碟，可能同佢人气下滑有关，碟内R&B盛行，里奈已经冇晒人气了。 Hysteric blue 
《baby blue》 HL成名大碟。系红白唱嘅《春》就系水准之作，系佢地做得最好嘅一只大碟。 
《WALLABY》 实力开始下滑，不过歌仍然吸引我去听，至少POP ROCK系唔错嘅。《为何》一曲使其仍然保持人气。 
《bleu bleu bleu》 人气以大不如前，音乐毫无进展，歌却继续以前嘅风格。 
《MILESTONE》 实力已经同以前相差好大，歌仲系POP&ROCK Puffy 
《amiyumi》 冇听过Puffy将系大家嘅损失，至少佢地嘅成功代表住Puffy系日本嘅一段历史，奥田民生系一个唔错嘅音乐人。 
《solosolo》 双CD嘅大碟，继续Puffy嘅风格，每人一只大碟，做得唔错。 
《JET CD》 继续Puffy Puffy Puffy,,,,好正嘅大碟，绝对要听。 
《Fever Fever》 同《JET CD》一样，令人感觉舒畅，去旅游听更加心情愉快。 
《SPIKE》 加入少许新元素，使Puffy更加迷人。 
《THE HIT PARADE》 翻唱旧歌嘅大碟，不过仍然好听。 平井坚 
《THE CHANGING SAME》 十分动人心弦，，每个音符都咁使人舒服， 
《gaining through losing》 讨厌人地用嗰首咩《流星雨》同呢只碟拉关系，简直就系摸黑呢只咁正嘅大碟。 THE GOSPELLERS 
《soul serenade》 好抒情嘅R&B大碟，五个人唱歌，就系其魅力所在。 
《LOVE NOTES》 精选，点讲都咁正。《永远》呢首歌好正。 
《Frenzy》 五个人唱嘅歌，点讲都咁使人舒服，越听越松弛。 CHEMISTRY 
《The Way We Are》 可能开头对呢只碟过高嘅期待，使我听后感觉一般，不过实力始终见到。 
《PIECES OF A DREAM》 冇人话会唔中意听呢首歌。 Kiss Destination 《GRABITY》 由玩游戏机认识KD到中意其音乐，认真够特别。小室搞呢类音乐都唔错哦，同样好听。 DJ KRUSH 《渐》 混音做得十分出色，大师即系大师。 Dream Come True <img src= 《THE SOUL》 双CD精选集，冇理由会拒绝。 铃木亚美 
《SA》 从听呢只碟开始，慢慢就迷上AMI了，感觉当然好。 
《infinity eighteen 1》 冇买到初回版真系浪费晒，因为初回好多嘢送。 
《infinity eighteen 2》 走向一种Girls Hip-Hop, 比较特别，我觉得唔适合于ami。初回版包装好靓。 
《love the island》 出道细碟，衣家市面都好难揾了，因为ami只出过一只三寸碟。 
《White key》 之前好中意呢只歌，所以买咗只细碟，当然之后《our days》同样正。 
《AMIGO'S RARLOR》 演唱会而已，作为FANS当然会买。其实冇乜特别。 合集 《JAPAN MEGA HITS》 当中首首歌都咁动听，开头因为要听《幸福的结末》先买嘅，点知道其他都咁正。 《JAPAN HITS》 98年嘅一只精选碟，将SONY公司当时旗下最红嘅艺人SHOW一次，并介绍其他新人。加埋VCD，简直就系超值兼好听呀。 |
|
[关闭][返回] |