|
发信人: gamba(そのスピードで) 整理人: kobayakawa(2002-06-18 16:43:18), 站内信件 |
| 首先总结放咗占一层嘅AVEX公司出嘅碟。
相川七濑 
《Red》 绝对好听嘅大碟，相川嘅代表作，特别系《BYE BYE》一曲，简直就系Girls Rock嘅顶尖作品。不过我一般中意。 
《Paradox》 比较多人认识嘅一只大碟，继续承接其Girls Rock嘅形象。本人觉得最出色嘅一只相川大碟，亦系我从听呢只大碟开始中意相川。 
《Crimson》 承接上一只大碟嘅风格，采取多种音乐元素，气势强劲，亦系我十分喜爱嘅大碟。 
《Foxtrot》 从呢只大碟开始相川有转型嘅现象出现，并非离开ROCK，反而在保留相川自身风格同时使人觉得ROCK更多彩化。有少许试验成分，亦唔算好差。 
《Purana》 算唔错嘅一张大碟，同之前出嘅大碟有好大嘅唔同，其精髓就要慢慢细心听出黎。有少许地下音乐嘅味道。 
《The Last Quarter》 歌虽然少，得七首，不过仍然使人觉得相川系值得大家追捧嘅。 Do As Infinity 
《Do As Infinity》 同名大碟，全因《二千年之恋》使人认识到DAI。未做呢出戏之前我已经认识DAI了，点解？睇下AYU嘅歌系边个作嘅？99年有留意嘅话就知道呢个DAI已经好红了。我最推荐嘅一只大碟。里面所表现嘅就系DAI最根本嘅内容，差唔多DAI最完美嘅嘢就系里面。至少我觉得系。 
《NEW WORLD》 相对第一只大碟来讲，呢只碟具有好多新元素，我亦喜爱呢种表现，继续DAI嘅POP ROCK风格。 
《DEEP FOREST》 我觉得最流嘅一只大碟，从呢只碟开始就觉得DAI系到俾AVEX操纵作为揾钱工具，慢慢使人觉得DAI失去灵性了。虽然俾人一种潮流式嘅感觉，十分新鲜，可惜仍然掩盖唔到其真实性。 
《We are》 买呢只碟好大程度系想唱K，而且我又几中意DAI 嘎~ 安室奈美惠 
《 Sweet 19 Blues》 我觉得呢只系安室最出色嘅大碟，可以我嘅记忆只能维持系四年前，因为呢只碟四年前被盗了。 
《Concentration 20》 当时已经作为一种潮流形象嘅安室出咗呢只超级经典大碟，未听过点算听过日文歌？安室始终系前两只大碟最有水准。毕竟代表住小室嘅威力尚在。 
《Genius 2000》 99年开始嘅R&B热潮使每位Girls Pop歌手都不约而同地唱呢类歌。虽然我反对每个人都唱，不过好听嘅照买，至少当时我仍然喜爱安室嘎嘛。 
《breat the rules》 我中意安室系发觉佢有时真系好型，听下呢只碟就知道啦。虽然比唔上以前D大碟了，之但是已经做得好好了，人气下跌都冇办法。 
《Something about the kiss》 唔明白以前点解咁中意买细碟，可能当时觉得系潮流吧，赶听新歌~ Every Little Thing 
《Time to Destination》 应该冇人唔识呢只大碟啦呱，ELT最精彩嘅大碟。我都系听呢只碟开始认识ELT。系一只使人留得出回忆嘅大碟。好犀利。 
《eternity》 最冇用嘅大碟，听咗等于冇听，劣评如潮，我对呢只CD根本冇感觉，闷。 
《4 FORCE》 除咗个封面之外，其他都好满意，《fragile》一曲使人气极低嘅ELT继续红返转头，实在厉害。 Globe 
《Globe》 日本音乐史上经典大碟。都唔使点解释了吧，我冇乜感受，总之就系犀利。 
《FACES PLACES》 一只具有回忆性嘅大碟，要知道我当时买呢只碟，只系一百蚊三只，你话经典唔经典？同只大碟一样咁经典呀。 
《Love again》 其实呢只碟同上一只大碟一样嘅感觉，使我成日将两日大碟嘅歌混淆，可见两只大碟几咁相似。可以讲水平依旧，亦可以讲唔俾心机制作之故。 
《Relation》 我相当喜欢嘅GLOBE大碟之一。能够得奖可见其水准之高，不过却系GLOBE一个时代嘅终结。 
《CRUISE 1995-2000》 精选大碟唔使点讲啦，已经足够厉害了，将GLOBE嘅历史展现出来了。 
《outernet》 亦系我喜爱嘅大碟之一。原因就系因为GLOBE走咗TRANCE嘅路线，TRANCE实在型。 
《Lights》 2002年嘅作品，继续其TRANCE道路，继续FING头，，，，， 
《Lights 2》 我觉得比第一只更正，更好。希望GLOBE可以继续其TRANCE，，，，， Hamasaki Ayumi 
《A song for XX》 呢只系AYU最好嘅大碟，听呢只碟就可以睇得出其过人之处，填词嘅威力实在大。 
《Boys & Girls》 自从听咗出道大碟之后，慢慢喜欢AYU了，就买只呢只细碟，当时只不过觉得其一只细碟可以收录咁多歌而感到惊奇，因此买咗，仲要系日本版，衣家市面上已经唔错见了。噢~~睇来又几值得哦。 
《A》 呢只细碟照样经典。AYU成熟嘅作品，使AYU越来越HIT了。里面首首经典呀。十分喜爱嘅细碟作品之一。 
《appears》 中意AYU之后，当然连呢只细碟都唔放过了，都唔明白以前做乜出咗大碟都仲要买呢只细碟，可能真系因为当时太爱AYU了。 
《LOVEppears》 我最爱嘅一只AYU大碟，里面嘅歌首首都咁正，听咗之后都不得不做AYU嘅FANS啦。 
《kanariya》 连呢只咁嘅碟都买埋，哎，如果衣家俾我睇都唔睇一眼啦。 
《Fly High》 同上面嗰只一样，衣家会觉得好昂居咯。 
《SEASONS》 三步曲之一，不过衣家唔会觉得买错碟了，AYU终于有只精彩嘅细碟啦。 
《Far away》 三步曲之一，所以照买，都唔知咩心情。 
《VOGUE》 三步曲之一，买就买啦，三只买齐了。 
《Duty》 AYU最闷嘅大碟，闷得很，虽然唔系唔好听，之不过经过呢只碟之后，我已经脱离AYU了。 
《ayu-mi-x》 一只好正嘅REMIX大碟，双碟嘅，有机会一定要买，嗰DREMIX好正 
《I am,,,,》 自从2000尾开始，已经差不多一年冇买过AYU嘅CD了，呢只系大碟梗帮趁，都几好，有望成为2002里面嘅一只出色大碟。 OLIVIA 
《synchronicity》 都唔使我点解释了呱，想详细了解可以睇精华区嘅介绍。 M-FLO 
《EXPO EXPO》 M-FLO嘅一张好正嘅碟，呢只碟嘅存在说明咗经典嘅存在。 BoA 
《LISTER TO MY HEART》 我始终对呢类欧美式嘅流行音乐唔多中意。系强烈嘅低音底下我根本听唔出D乜，可能POP嘅嘢会变得越来越难明，BoA嘅日文发音始终系有D韩国音尾，不过佢咁靓女，都算啦，算系特点呱。 D&D 《LOVE IS A MELODY》 如果将呢只碟放系97年将会系一只出色嘅Glris Pop大碟，不过衣家睇就会觉得好闷了，全部电子音乐。我就系从呢只碟开始迷恋OLIVIA。 BUMP OF CHICKEN 
《jupiter》 肯定系2002年里面最出色嘅大碟，出色嘅填词，出色嘅音乐，睇来呢队BAND认真有前途。 SPEED 
《MONENT》 冇人会话呢只碟唔好听嘅，都冇乜好讲了。 
《ALL MY TRUE LOVE》 我觉得呢只歌同SPEED最贴切。 hiro 
《BRILLIANT》 我唔中意佢，不过只碟尚算过得去~~听得下嘎都。 The gardens 《A Place in the sun》 伊佚式嘅电子音乐，我觉得好闷，买咗返来放而已。 My Little Lover 
《PRENSENTS》 MLL同TBG相比，我会选择TBG。 《Topics》 
MLL同TBG相比，我会选择TBG。 《NEW ADVENTURE》 
MLL同TBG相比，我会选择TBG。个人并非讨厌MLL，不过听咗TBG之后，觉得MLL确实冇TBG咁正。起码近期TBG人气高。 MR.CHILDREN 
《MR.CHILDREN 1992-1995》 经典需要解释的吗？ 
《MR.CHILDREN 1995-2000》 经典不需要解释，听听第一首歌就知道了。 SOPHIA 
《BOYS》 出道的大碟，于《GIRLS》作为双大碟发行。听过呢两只大碟可以睇出SOPHIA开始走嘅都系POP ROCK嘅路，虽然我仍然认同其优点，不过始终佢同其他班霸乐队仲有一段距离。 
《GIRLS》 与大碟《BOYS》同一个类别，风格相同，听得一只肯定会买埋另外一只。 
《little circus》 从大碟里面听得出SOPHIA开始对其音乐作出改变，慢慢地转变， 
《ALIVE》 由上一只大碟开始改变，到呢只大碟修成正果。系SOPHIA一只绝对出色嘅大碟。 
《material》 继承上张大碟嘅风格，再进行些少提升，亦系听得之碟。 
《进化论》 同出道相比已经改变咗好多，其古怪嘅音乐使人觉得ROCK亦可以多姿多彩，此大碟反映出SOPHIA现时嘅水平。 
《missile》 十分正嘅一只细碟，《missile》呢首歌嘅词填得好出色。 
《Place》 取于大碟之RECUT作品，可见呢只歌系几咁出色。SOPHIA咁多歌，最熟呢首。 
《oar》 一样掂嘅细碟，绝对听得过。 
《kuru kuru》 好似儿歌，好过瘾。 
《进化论》 细碟歌，封面十分搞，一个骷髅头同你SAY HELLO~~同样正。 
《walk》 编曲算唔错嘅细碟歌，有听头~~ |
|
[关闭][返回] |