|
发信人: -o-b(史益笃) 整理人: swearl(2002-06-30 09:47:42), 站内信件 |
| 今晚要考试，所以中午就番咗学校温习……
跟住…… 无惊无险又过六点，食飯！ 去咗广工附近嗰间大西豪（习惯叫大閪好）买咗个番茄牛肉飯……7蚊呀！ 惊见里面啲番茄多到只hi咁……啲牛肉加起嚟都冇我平时去嗰间面店一舊牛腩多……我畀人呃咗呀！！！！-_-b 食完个有番茄但係冇牛肉嘅番茄牛肉飯仲係未饱，所以就去咗附近一间面店食牛腩面……一入去我就好豪咁畀咗五个一蚊银个老细，大叫唔洗找啦，要碗牛腩面！快！（平时我去嘅面店市价都係5蚊） 点知畀咗钱先发现原嚟大面先三个半……>o< 个老细见我噤豪，于是叫个煮面嘅整个特大嘅畀我……惨！ 为咗食嗮碗特大面，我用咗半粒钟（由于啲面都算可以，勉为其难食嗮）……由于饱过头，又坐多半粒钟……搞到个老细嚟赶场-_-b 于是我又用咗5分钟行咗200米番学校，突然发觉仲有5分钟就考试……差啲迟到^ō^！ 呢件事畀我嘅启示…… 1.千祈唔好去大西豪食番茄牛肉飯 2.食面千祈唔好好豪咁畀嗮五个一蚊银个老细 3.考试之前千祈唔好做上面嘅任何一样！ ---- 
|
|
[关闭][返回] |