发信人: shihu25(新叮)
整理人: qiulan98(2002-04-27 22:15:01), 站内信件
|
系度想讲下我屋企发生既一件事：
系上个礼拜日，我屋企D亲戚黎吃晚饭，我阿妈想住煮饺子再加一煲靓汤就OK，一个简单既晚饭，竟然酿成左一个灾难~~~~~~系煲汤煲好后，我妈妈将它拿开，放到厨房个煲垫度，过左10分钟度，想将煲汤拿出厅，然后煮饺子~~~~~~~就系一拿起煲汤，想转身出厅个阵，个煲个底穿左~~~~~~唉~~~~~~~我妈妈两边既大肶都比滚烫既汤渌亲，我妈妈已经醒目，即刻去冲凉房淋冻水，又拿D鸡蛋白，又加冰，不停甘冲、洗，好在当时我个做护士既姑姑系度，即刻叫她老公返屋企拿烫伤药，个晚睇到真系好心痛，我家姐仲喊左出黎……第二日由我爸爸送我妈妈去医院，将D烫伤既皮捻左，哎呀！！再贴上块人造皮，返到黎，睇到先觉得无甘严重。真系恐怖，同时因为我妈妈够冷静，淋冻水，所以而家只系表皮烫伤，大概20日就可以康复。
所以提醒各位中意自己煲靓汤既朋友、妈妈们，千祈要小心！！我地而家都唔敢将个煲拿黎拿去，惟有用碗装出黎，要饮就当散步甘行入个厨房装，希望再都无D甘既事发生啦~~~~~~
我觉得我妈妈帮我地挡左一个大劫，当时我爸爸叫我去帮手开饭，我因为做紧野所以稍迟左D，万幸万幸~~~~~~~我家姐有左BB，当晚又无返黎吃饭，万幸万幸~~~好多谢我妈妈，照顾我地！！
所以我今日浪费D时间同埋金钱都要将呢样野讲比大家听，只系希望呢D唔好既事情再都唔好发生，甘就系我妈妈烫伤事件既最好回报~~~~~~多谢大家睇完呢篇野！！
----
沟通=沟通=沟通 |
|