发信人: jasonchoi()
整理人: (2000-12-06 01:37:01), 站内信件
|
今日下午听收音机，话要响今年内增加五项关乎民生嘅收费。呢五项收费就
系
1。加水费！2。加公房租金！3。加公共汽车票价！4。大幅增加高中、职中
学费百分之四十！5。增加幼儿园收费！
加价嘅原因系广东国内生产总值去年上升咗㖞！（鬼咩！搞一年一小便，内环路
先带动到啫！）
听到呢个消息后，我嘅心情好沉重。因为我份人工已经有两年冇加过了，惨！！
！！！！！！！！！！！。
加水费，又会俾啲政府官员嚟贪污，加公房租金，受影响嘅只会系啲旧年买
唔到屋嘅低下层市民，你慌啲高官司会受到影响啊？佢哋 一早就已经办咗房改啰
！加公共汽车票价仲死人，我日日都搭车返工。交通费无厘头又加一笔！高官连
草纸都有得发，仲使自己搭车返工咩！仲有啊！高官司子女全部出晒外国，唔使
受加学费嘅影响！剩低啲都唔想讲了。
特别戥啲下岗工人惨！公资已经少了，今次仲要加价！你话系唔系百上加斤啊
！其实你政府想我哋啲人民消费，应该减税、冻结政府收费，等我哋啲市民有多
啲可自由支配资金，咁我哋自然会消费啦！你咁样做只会适得其反。市民有钱都
唔敢出嚟使啦！其实古训有云：民为贵！社稷次之，君为轻。民富自然国强！
藏富于民有咩唔好先？令市民有多啲可自由支配资金好唔好，我咁先会拥护咁样
嘅政府！
呢次市人大如果真系为市民讲说话嘅 ，应该反对呢次嘅加价。如果唔系就真系变
咗做举手机器。有好多嘢想讲，但系一时间又无从讲起。。。。。。
最后要讲嘅就系，强烈抗议广州市政府要增加五项关乎民生嘅收费！要求冻结以
上嘅收费！如果唔系嘅话。呢个市长就应该唔得到我哋市民嘅信任，应该要炒！
！~~~~~~
仲有啊！如果第日政府咨询市民意见，大家一定要反对啊！团结就是力量！
--
我愿意把我心所想,最真实地向您表达出来。。。。
但更多的时间，我会愿意作为一位聆听者。
我是Jason
我的E-Mail: [email protected]
Oicq:601356
※ 来源:．月光软件站 http://www.moon-soft.com．[FROM: 202.103.136.133]
|
|