发信人: gamba(VR射手修炼中)
整理人: kobayakawa(2002-03-25 00:37:17), 站内信件
|
《winter fall》L'Arc~en~Ciel
我第一次接触彩虹嘅歌，就系呢只《winter fall》。当时系从某嗰电视台播嘅PV里面所听到嘅歌。98年嗰阵系香港彩虹已经少有名气，虽然唔及得GLAY咁红，但亦好有多人留意佢地。另一方面最主要嘅系因为98年彩虹系日本已经相当红。97年复出就用《虹》来打响头炮，而《winter fall》嘅大热，使彩虹登上乐坛一线乐队的位置。《winter fall》能够讲得上系我最有感情嘅一首歌。正系由呢首歌开始我认识到J-ROCK，认识到彩虹。《winter fall》所带俾我嘅，唔单至系好听咁简单，更重要嘅系使我见识到J-ROCK嘅魅力。
而一首歌是否好，一方面在乎首歌本身嘅质素，呢嗰系客观存在嘅事实，另一方面就系比较个人嘅感觉，系首歌能够带俾你嘅唔单至好听咁简单，而系一种其他歌曲不能带俾你嘅概念。亦即系比较主观嘅原因。
呢首《winter fall》系唱作编都系彩虹嘅上等之作，至少我咁认为。唱方面已经好明显了，hyde把声已经可以使呢首歌拿满分了，都唔使点多讲。佢特有嘅女性式嘅假声，使到首歌唱起来更有感情，更有感染力。而佢系作词方面已经将佢嘅高超技巧表露无遗。不但能够扣住主题，而且更重要嘅系佢能够将严寒嘅冬天写得生机勃勃，美丽动人，听咗之后使厌恶冬天嘅我都想去见识一下真实嘅冬天是如何地降临，是否正如hyde所写咁靓。作曲就真系冇得弹，阿KEN嘅作曲能力真系一流，流畅嘅曲风十分配合歌曲主题，有如大雪降临时嘅阵阵畅快感觉，实在系大快人心。KEN作为彩虹里面作曲最多嘅成员，可以佢系彩虹里面有举足轻重嘅地位。
而呢首歌最犀利嘅当然就系编曲方面了。不但有keyboard.piano嘅配合，更有加埋strings同horns(号角）嘅演奏，再加上Chinpaul Gorichiege嘅chorus,使到首歌十分精彩。虽然首歌嘅keyboard最明显只是最前同最后嗰段音乐，类似于音乐盒嘅声音，不过却起到一种点题作用，前后呼应。而keyboard嘅编曲正系由ken完成，就更适合不过了。piano部分系由Mari Sasaki所完成，作为首歌嘅一种配乐并不算突出，却系每首歌不可以缺少部分之一。horns嘅应用系呢首歌一个特点。差不多每一句嘅开始，或每一重要段落嘅开始同收尾都有horns嘅存在。horns带起咗成首歌嘅主题，起到主流作用。当一开始唱完一段副歌之后，真正使成首歌开始嘅就系从horns嘅演奏开始而开始。从而开始唱‘色づきはじめた街’之前嘅歌词‘こぼれだした手の平の雪は儚くきらめいた’，chorus唱到‘こぼれだした手の平の’就停止了，紧接着就系hyde继续唱，而到咗‘めいた’horns就马上跟上了，作为一个真正嘅开始，引出主题。系‘雪原の大地に二人きりの吐息が舞う ’之前情况亦一样。当然，系副歌‘駆けだす世界に心奪われて.......’呢段开始，horns同埋strings就做晒主角了，配合佢地嘅反而系吉他同埋bass了。而系‘こごえる雲に覆われて しらん顔でもえる太陽’到‘静寂の彼方に汚れない君を見つめ’之间开始嘅吉他SOLO亦系以horns作为一个结束。
呢段吉他SOLO亦系全首歌最动听之处。更系本曲精华所在。不但悦耳动听，使人心情舒畅，更使人有一种微妙嘅感觉，显得畅快舒服。可见ken嘅吉他水平之高真系彩虹成功之处。当然亦不能不提tetsu嘅bass，如果一首歌冇咗bass就会显得生硬，毫无生命力了。tetsu嘅bass亦照顾到成只歌，配合的非常好。而yukihiro所参与嘅鼓同埋beat programing正是yukihiro带俾彩虹另一种生命力，系yukihiro最拿手嘅好戏。摆脱咗以前sakura嘅嗰种华丽嘅鼓风，而变得沉实，但又带有点前卫嘅味道，感到有活力。全曲嘅编曲咁正当然就系唔少得冈野啦，冇咗佢，彩虹嘅歌会失色不少。
彩虹最精彩当然唔单至呢只歌，仲有更多。例如另一首《DIVE TO BLUE》亦非常正，亦系98年得力之作。其励志嘅歌词同曲风使人十分喜爱，并且我都系听咗呢只歌之后先决定买《HEART》呢只大碟嘅。不过，真正能够打动我嘅始终都系《winter fall》呢只歌。虽然《snow drop》同《花葬》，《finale》等歌一样系咁出色，不过我仍然喜欢《winter fall》嘅感觉，喜欢佢朴实无华，人听人爱，呢样就系每个人喜好唔同嘅关系。 |
|